27
Policia italiane ka finalizuar sot operacionin “Illiria” në Bari, ku u sekuestruan drogë, armë dhe eksploziv. Në kuadër të këtij operacioni, përfunduan në pranga 8 persona, nga arrestime të kryera në të gjithë Italinë. Nga këta, 5 prej tyre janë shtetas shqiptarë.
Mediat italiane kanë zbuluar emrin e kryetarit të organizatës kriminale. Ai është Roland Lame, i cili drejtonte trafikun së bashku me djalin e tij, 25 vjeç, Fabio.
Banda kriminale vepronte që prej vitit 2013 dhe policia sekuestroi 1 ton marijuanë, 4.5 kg tritol, 170 plumba, një kallashnikov dhe më shumë se 1 kg heroinë e kokainë.