Presidenti i Mauritanisë, Mohamed Ould Ghazouani, shprehu gatishmërinë e tij për të forcuar më tej marrëdhëniet ekzistuese me Turqinë.
Komentet e presidentit Ghazouani erdhën në një mesazh urimi që ai i përcolli homologut të tij turk Recep Tayyip Erdoğan me rastin e 98-vjetorit të Ditës së Republikës, që shënon shpalljen e Republikës së Turqisë më 29 tetor 1923, e cila do të festohet të premten, njoftoi Agjencia zyrtare e Lajmeve e Mauritanisë.
“I uroj popullit vëlla turk përparim dhe prosperitet të mëtejshëm”, thuhet në mesazhin e urimit.
“Unë ju ripërtërij vullnetin tonë për të vazhduar përpjekjet për të forcuar dhe zhvilluar marrëdhëniet ekzistuese të bashkëpunimit midis dy vendeve tona për t’i shërbyer interesave të dy popujve tanë vëllezër”, shtoi Ghazouani.
Marrëdhëniet midis Turqisë dhe Mauritanisë po kalojnë një përmirësim të vazhdueshëm që nga vizita e presidentit Erdoğan në Mauritani në shkurt të vitit 2018.
Vizita çoi në nënshkrimin e disa marrëveshjeve dypalëshe në fushat e mineraleve, peshkimit, ekonomisë detare, turizmit dhe bujqësisë, ndër të tjera.