Në Ministrinë e Integrimit Evropian u zhvillua ceremonia e pranim-dorëzimit të detyrës.
Ministri i Integrimit Evropian, Omer Çelik deklaroi se perspektiva e BE-së është shumë e rëndësishme për Turqinë, por nuk është zgjidhja e vetme.
Në fjalimin e tij të mbajtur gjatë ceremonisë së pranim-dorëzimit të detyrës të organizuar në Ministri, Omer Çelik tha se gjatë pushtetit të Partisë AK perspektiva e anëtarësimit të plotë në BE u shndërrua në një politikë shtetërore.
Duke e bërë të ditur se rajoni është duke kapërcyer nëpër një periudhë të krizave, Omer Çelik tha: “Ne do ta ruajmë perspektivën e anëtarësimit të plotë, por BE-ja, si një projekt i paqes, nuk duhet të zbatoj standarde të dyfishta ndaj Turqisë në lidhje me çështjen e luftës kundër terrorit, e cila kërcënon paqen e brendshme dhe që nënkupton mbrojtjen e të drejtave legjitime të Turqisë. Padyshim se këto marrëdhënie janë të barabarta. Perspektiva e BE-së për Turqinë është shumë e rëndësishme, por nuk është edhe zgjidhja e vetme. Ne do të përpiqemi për të përmbushur kërkesat e politikës shtetërore duke i rritur standardet e marrëdhënieve me BE-në ”.
Omer Çelik detyrën e Ministrit të Integrimit Evropian e mori në dorëzim nga Ministri Volkan Bozkir.
/TRT/