Kina dhe Rusia fillojnë stërvitjen e parë në zonën detare të kontestuar

Kina dhe Rusia kanë filluar të hënën stërvitjen e parë të përbashkët detare mes tyre e cila po zhvillohet në detin e kontestuar Jugor të Kinës.

E përditshmja shtetërore kineze “China Daily” ka cituar zëdhënësin e marinës Liang Yang të ketë thënë se “lojërat e luftës” që do të zgjasin tetë ditë do të mbulojnë operacionet e shpëtimit, mbrojtjes dhe operacionet kundër nëndetëseve, si dhe misionet e përbashkëta për pushtimin e ishujve.