Në fillim të seancës së Qeverisë, kryeministri kroat Andrej Plenkoviç, ndër të tjera, njoftoi se nga nesër kontrolli kufitar do të jetë më rigoroz në të gjithë kufijtë e jashtëm për shkak të kërcënimit të terrorizmit.
Pas seancës së sotme qeveritare ministri i Punëve të Brendshme Vlahe Orepiç me kryeministrin Andrej Plenkoviç, kryeministri në seancën e qeverisë kroate njoftoi se nga nesër do të ndryshojë regjimi i kalimit të kufijve shtetëror.
Ai shpjegoi se bëhet fjalë për një rregullore të lidhur me ligjin për kufijtë Shengen sipas së cilës do të intensifikohen kontrollet kufitare me rastin e kalimit të tyre.
“E gjithë kjo është e lidhur me parandalimin e terrorizmit, pra intensifikimin e kontrolleve kufitare brenda Bashkimit Evropian. Dua t’u them të gjithëve që udhëtojnë që të jenë të durueshëm dhe të kenë mirëkuptim, pasi që sistemi i ri i kontrollit nga nesër do të jetë në përdorim”, ka thënë Plenkoviç.
Zyrtarët e policisë kufitare, gjatë kryerjes së kontrollit kufitar të pasagjerëve, si gjatë hyrjes ashtu edhe gjatë daljes nga BE-ja, do të kryejnë kontroll sistematik të të gjithë pasagjerëve përmes dy bazave të të dhënave: Bazës kombëtare të të dhënave nga sistemi kombëtar i bazës së të dhënave të MPB-së dhe bazën e të dhënave të Interpolit.
“Deri më nuk janë bërë kontrollet sistematike të shtetasve nga shtetet anëtare të BE-së dhe vendeve të lidhura me zonën Shengen, por nga nesër në mënyrë sistematike do të kontrollohen edhe kjo kategori e njerëzve, thuhet nga MPB-kroate.
Një regjim i veçantë do të zbatohet për shtetasit e vendeve të treta, përpos dokumentit të vlefshëm të udhëtimit, i cili duhet të jetë për periudhë 10 vjeçare, duhet të jetë i vlefshëm për të paktën tre muaj nga data e largimit nga Kroacia.
Gjithashtu, shtetasit e vendeve të treta duhet të justifikojnë qëllimin dhe kushtet e qëndrimit dhe të kenë mjete të mjaftueshme jetese dhe të kthimit, dhe se nuk guxojnë të bëhen kërcënim për sigurinë dhe marrëdhëniet ndërkombëtare.