Turqia vendos në kufi me Sirinë sistemin kundërpredhë për mbrojtje nga DAESH-i

Turqia ka arritur një marrëveshje me SHBA-të për të zhvilluar në maj sisteme mbrotjesë kundërpredhë në kufi me Sirinë për t’u mbrojtur nga sulmet gjithnjë e më të shpeshta dhe të përgjakshme të DAESH-it, njoftoi ministri turk i Punëve të Jashtme.

“Ne kemi arritur një marrëveshje për të vendosur në krahun turk të kufirit me Sirinë sistemin HIMARS (High Mobility Artillery Rocket System)”, tha sot ministri Mevlut Çavusoglu për të përditshmen, “HaberTurk”.

Sipas Ankarasë zyrtare, rreth 40 raketa janë lëshuar këtë vit nga zonat siriane nën kontrollin e organizatës terroriste të DAESH-it dhe kanë rënë në qytetin kufitar turk, Kilis, duke shkaktuar vdekjen e 17 civilëve.

/TRT/