Presidenti Erdogan dhe Kryeministri Yildirim vizituan qytetin e Diyarbakirit
“Pa marr parasysh se çfarë bëjnë ne do të dalim fitues”, kështu u shpreh Presidenti Recep Tayyip Erdogan në lidhje me organizatën terroriste PKK.
Njërën prej takimeve më kuptimplote të tij gjatë vizitës në Diyarbakir, Presidenti Erdogan e bëri me fshatarët e fshatit Tanisik, ku nga sulmi i organizatës terroriste PKK të ndërmarr më 12 maj me një kamion të ngarkuar me 15 ton mjete shpërthyese humbën jetën 16 persona dhe u plagosën 23 të tjerë.
Presidenti Erdogan së bashku me Kryeministrin Binali Yildirim vizituan shtëpinë e ngushëllimeve të hapur në fshat.
Duke e bërë të ditur se Turqia është duke zhvilluar luftë kundër terrorit, Presidenti Erdogan tha: “Ata të cilët nuk mund ta shohin vendin tonë duke përparuar japin këshilla brenda dhe jashtë vendit”.
“Shteti ynë është i fort”, – ka thënë Erdogan ndërsa familjeve të dëshmorëve u dha mesazhin se “qëndrojmë pranë jush”.
Presidenti tha se vlerësojnë lartë durimin e familjeve të dëshmorëve gjatë këtij procesi ndërsa dha mesazhin e qartë duke thënë se “padyshim se ne do ta mbarojmë këtë punë”.
Edhe zonja e parë, Emine Erdogan dhe bashkëshortja e Kryeministrit Semiha Yildirim, vizituan shtëpinë e ngushëllimeve për gra.
/TRT/