Gjykata e Belgjikës ka vendosur se aktivitetet e PKK-së, e cila gjendet në listën e BE-së të organizatave terroriste, “nuk përbëjnë krim terrorist për shkak se ajo ndodhet në luftë të armatosur”
Gjykata e Belgjikës ka vendosur se aktivitetet e PKK-së, e cila gjendet në listën e BE-së të organizatave terroriste, “nuk përbëjnë krim terrorist për shkak se ajo ndodhet në luftë të armatosur”.
Gjykata ka vendosur se veprat e anëtarëve dhe drejtuesve të PKK-së që u gjykuan për aktivitete terroriste, rrëmbim fëmijësh, mohim i të drejtave dhe kërcënim me vdekje, nuk janë “vepra terroriste”.
Në justifikimin e vendimit u tha se “lufta e armatosur nuk mund të vlerësohet në kuadër të akuzave për terrorizëm”. Prokuroria federale gëzon të drejtën e ankesës ndaj vendimit.
Ndryshe, pas hetimit të filluar në vitin 2006, procesi gjyqësor ishte hapur në tetor të vitit 2015, ku anëtarët e PKK-së akuzoheshin për rrëmbim të fëmijëve nga familjet e tyre në Belgjikë dhe shtete të tjera të Evropës perëndimore, dërgimin dhe trajnimin e tyre në kampet në Blegjikë, Greqi dhe Irak.
Në mesin e akuzave drejtuar të pandehurve, ishin edhe përgatitja e dokumenteve të falsifikuara dhe mbledhja e haraçit.
PKK përfshihet në listën e BE-së të organizatave terroriste. Rrjedhimisht, detyrim ndaj kësaj liste ka edhe Belgjika.