Kurti: Haradinaj ishte faktor i rrënimit të opozitës së bashkuar

Ish-kryetari i Lëvizjes Vetëvendosje Albin Kurti, ka thënë që lideri i AAK-së, Ramush Haradinaj ka qenë njëri nga faktorët e rrënimit të opozitës në Kosovë.

Kurti e kujton intervistën e Haradinajt para pak javësh, kur thoshte se ai nuk ka gjuajtur gaz lotsjellës dhe nuk e kishte përkrahur asnjëherë këtë mënyrë kundërshtimi. Ai thotë se Haradinaj kishte një pjesë të madhe të fajit në ndarjen e opozitës.

“Ka qenë njëri prej faktorëve që të ndahet opozita e bashkuar, s’po them që ka qenë kryesori, por ka qenë njëri prej tyre”, tha Kurti, i ftuar në emisionin ‘Zona B’ të Klan Kosovës.

Kurti po ashtu tha se Vetëvendosje do të vazhdoj protestat deri në heqjen e qeverisjes së tanishme në Kosovë.