Ibrahimoviç vendos për të ardhmen

Sulmuesi suedez, Zlatan Ibrahimoviç duket se ka vendosur të ardhmen e tij. Ai do të luajë për anglezët e Manchester United.

Lajmi konfirmohet nga goal.com, e cila shkruan se Ibra do të nënshkruajë kontratën 1 vjeçare përpara se të nisë kampionati Europian.

Fillimisht emri i Ibrahimoviç u përfol për një rikthim të mundshëm në Itali, tek Milano ose Juventusi, por mësohet se zgjedhja e tij ka qenë pikërisht Anglia dhe Manchester United, ku do të rigjejë trajnerin Jose Mourinho, me të cilin kanë kaluar disa vite së bashku tek skuadra e Interit.