Në një video që po qarkullon në internet, shkrimtari Ismail Kadare dëgjohet duke thënë se Nënë Tereza e kishte telefonuar atëbotë Presidentin Amerikan Bill Clinton, duke i thënë:
Biri im bëj diçka për shqiptarët e mi!
Kështu, me këtë telefonatë, ajo e kishte ndihmuar në marrjen e vendimit të vështirë (sipas Kadaresë), atë të urdhërimit për ta bombarduar Serbinë, e cila po ushtronte fushatë të përgjakshme ushtarake në Kosovë me synim, spastrimin etnik. E vërteta është se Nënë Tereza (tashmë Shën Tereza), nuk ka qenë e gjallë gjatë kohës së bombardimeve, ajo ka ndërruar jetë dy vite më përpara, saktësisht më (5 shtator, 1997). Duket që shkrimtarit tashmë të shtyrë në moshë, ka nisur t’i ngatërrohet kujtesa dhe natyrisht, kjo rrëshqitje për të në këtë moshë, është më se normale.