Theksohet se ka patur përleshje mes forcave të sigurisë dhe një grupi të cilët kanë pretenduar se ndryshimet e miratuara në Parlamentin e Ukrainës nënkuptojnë autonomi në rajonin Donbas i cili ndodhet nën kontrollin e separatistëve rusë.
Në axhendën e Parlamentit, është vendosur ndryshimi i kushtetutës në lidhje me transferimin e disa kompetencave nga qeveria qendrore në atë të administratës lokale.
Ky ndryshim i cili përbën edhe një prej neneve të marrëveshjes së Minskut e cila u nënshkrua për zgjidhjen e krizës në Lindje të Ukrainës u pranua me 265 vota pro kundër 87 votave kundër.
Një grupim duke pretenduar se do të jepet “autonomi” ndaj rajonit Donbas që është nën kontrollin e separatistëve pro-rusë rrethoi Parlamentin.
Në përleshjen mes protestuesve dhe forcave të sigurisë të cilët kërkonin të pengonin protestuesit të hynin në ndërtesën e Parlamentit sipas të dhënave paraprake janë plagosur më shumë se 50 policë, ku 4 prej tyre janë në gjendje të rëndë. Disa nga protestuesit vazhdojnë të qëndrojnë ende përreth ndërtesës së Parlamentit.
Rajonet Donetsk dhe Lugansk në lindje të Ukrainës ndodhen nën kontrollin e separatistëve rusë, të cilët kërkojnë nga qeveria e Kievit autonomi.