25
Presidenti i Turqisë Recep Tayyip Erdoğan ka zhvilluar sot një bisedë telefonike me Sekretarin e Përgjithshëm të Organizatës së Kombeve të Bashkuara (OKB), Antonio Guterres me të cilin ka diskutuar zhvillimet në Mianmar, atje ku muslimanët në zonën e Arakanit u janë nënshtruar masakrave dhe përndjekjeve.
Presidenti Erdoğan i tha Guterresit se OKB-ja duhet të reagojë urgjentisht ndaj krizës në Mianmar në mënyrë që e njëjta të mos përshkallëzohet akoma më shumë. Presidenti turk theksoi rëndësinë e bashkësisë ndërkombëtare në zgjidhjen e krizës në Mianmar, duke thënë se veprimi i komunitetit ndërkombëtar drejt vendim-marrjes është i një rëndësie jetike.