Obama: Rinia angleze ti largohet izolimit dhe ksenofobisë

Presidenti amerikan, Barack Obama i kërkoi dje në Londër të rinjve britanikë të largohen nga thirrjet izoluese dhe nga ksenofobia, një ditë pas një deklarate të fuqishme në favor të qëndrimit të Britanisë së Madhe në BE.

“Ne shohim shumë zëra të ngrihen dhe të bëjnë thirrje për izolim dhe ksenofobi, vërejmë thirrje për një kthim mbrapa në të drejtat e njeriut”, tha ai gjatë një fjalimi në Royal Horticultural Halls në Londër para rreth 500 të rinjve britanikë.

Kjo thirrje vjen një ditë pas një deklarate veçanërisht të fortë të Barack Obama mbi nevojën, sipas tij, të qëndrimit të Britanisë së Madhe në BE në përfundim të referendumit të 23 qershorit.

/TRT/