Reflektim

Gazeta Express ka spekuluar sërish me imamin e Xhamisë së “Dine Hoxhës” në Tiranë, hoxhën Ahmet Kalaja. Në mënyrë jo profesionale ka publikuar një tekst ku thuhet se hoxhë Kalaja pëskëresh thënë që duhet shkuar luftuar në Siri, por nuk përmendet as vend, as kohë, as datë e as ligjëratë e drejtë. Ky tekst i gazetës express është shpërndarë si vaji në lakra në portalet e tjera marramendëse, të cilët duke shpresuar se do të klikohen duke pasur një njeri publik, e publikuar duke ju drejtuar portalit gazetaexpress.

Por gjithçka është përgënjeshtruar shumë shpejt. Imami Ahmet Kalaja, ka hedhur poshtë me qetësi por me vendosmëri gjithçka është shkruar.

“Lajmi abuziv edhe spekullativ, i nxjerre nga konteksti; i mbushur me dashakeqesi per kete arsye sqarojme te gjithe opinionin e interesuar ne lidhje me situtaten ne fjale:

Ne e kemi thene qysh ne fillim te motit, pavaresisht faktit se cfare zgjedh populli sirian per veten e tij per te larguar sistemin diktatorial, gje qe ja garanton cdo e drejte universale per te bere zgjedhjen e vet per liri e drejtesi e prosopritet e nje jete me te mire e sa me te harmonizuar.

Shqiptaret edhe askush nga muslimanet neper bote sduhej edhe sduhet edhe ska perse te perzihen ne kete lufte te paqarte ky ka qene edhe mbetet qendrimi yne i paluhatur.

Per te cilin asqe ndjehem fajtor perkundrazi teper komod; SHQIPTARET JO NE LUFTEN E SIRISE.

Nga Xhamia “Dine Hoxha” ku une predikoj asnje besimtar nuk ka shkuar ne Siri jo vetem kaq po jemi munduar te jemi sa besnik linjes se harmonise e bashkjeteses te trasheguar nga te paret tane te udhehequr nga fryma e Hafiz Ibrahim Dalliu e Haxhi Hafiz Dashi etj”.

Këtë deklaratë imam Kalaja e bëri edhe në një intervistë për televizionin news 24. “Ne i mësojmë njerëzit të bëjnë jetën më të mirë dhe jo jetën më të mirë”, theksoi Hoxhë Ahmeti.

Por suprizën më të bukur ia ka bërë lojtari i përfaqësueses kuqezi, Mërgim Mavraj, i cili ka publikuar një foto ku i ka dedikuar imam Kalasë një bluze të kombëtares me emrin e tij.

tesheshi.com

RDK përmes një reagimi ka reaguar ndaj shkrimit të sotëm skandaloz që u publikua sot paradite në Zhurnal me titull:” “Vigjilent Leka i Rufi Osmanit ofendon rëndë nënat shqiptare”.

Sipas këtij reagimi i cili pretendon të jetë demant, nga njëra anë akuzohet Zhurnal, mirëpo nga ana tjetër i jepet e drejtë apsolute Lekës që të postoj fotografi skandaloze që fyej ndjenjat e besimtarëve islam.

“Te pretendoni se jeni portal serioz, me mbi 100 mijë pëlqime, dhe të postoni lajme kafeneje eshte skandal ne vete. Se pari, titulli juaj eshte skandaloz sepse asnjeri person nuk eshte ne pronesi te askujt dhe se Vigjilent Leka nuk eshte as i ketij dhe as i atij. Se dyti, secili individ merr pergjegjesine mbi supet e veta per cdo pohim dhe se askushi nuk ka te drejte dhe mundesi te stopoj dikend se cka duhet te beje ne jeten private. Kjo eshte demokracia, dhe nese ju jeni kunder kesaj vlere atehere eshte problem tjeter. Se treti, te formuloni lajm se dikushi ofendon “nenen shqiptare” nepermes nje fotografie ku nuk ka asnje element te “nenes shqiptare” te postuar privatisht ne profil facebooku, jo vetem qe eshte shpifje, por ne te njejten kohe eshte edhe paragjykim i madh qe ju si portal ia mveshni se si duket ne pamje nje “nene shqiptare.” Me kete lajm tuajin, duke tentuar te demtoni nje antare te nje partie politike, ju demtoni edhe kombin shqiptare duke i atribuar atribute inekzistente me pasoja te paparashikueshme”, thuhet mes tjerash në reagimin e RDK-së.

Sqarim nga “Agjencia e Lajmeve ZHURNAL”

Ndryshe, Agjencia e Lajmeve Zhurnal ka publikuar një postim skandaloz të zyrtarit të lartë të RDK-së i cili përmes një fotografie po tallet me dinjitetin e femrave dhe grave të cilat i përkasin besimit islam.

Por, Redaksia Zhurnal pas ankesave të mëdha që arritën në redaksinë tonë vendosi që skandalin e Vigjilent Lekës t’a publikoj në lajmet nga Maqedonia, për arsye se sipas lexuesve askush nuk ka të drejt të fyej dhe të tallet me ndjenjat fetare të besimtarëve musliman.

Konsiderojmë se një parti politike serioze si RDK duhet të kërkon llogari nga Vigjilent Leka, e jo nga Zhurnal, i cili vetëm ka transmetuar skandalin e Vigjilent Lekës me postimin e fotografisë përbuzëse ku dihet se 99% e popullatës muslimane e respektojn mbajtjen e mbulesës edhe pse disa nuk e praktikojn.

Postimet në rrjetin social në Facebook të një funksionari të tillë partiak si Vigjilent Leka nuk mund të llogariten si gjëra private, pasi që po rrjeti social në Facebook po përdoret edhe për të kërkuar votën e shqiptarëve të Maqedonisë e që i takojnë besimit islam.

Zhurnal apelon të gjithë lexuesit që të gjykojn veprimet e papërgjegjshme publike të Vigjilent Lekës dhe mbrojtjen e tij nga partia shqiptare RDK që udhëhiqet nga Vesel Memetii.

Banorët shqiptarë që jetojnë në rripin kufitar ndërmjet Kosovës dhe Luginës së Preshevës janë para një presioni të madh të shpërnguljes. Derisa në njërën anën graviton xhandarmëria serbe në anën tjetër është Policia e Kosovës që po u bën dëme edhe më shumë se sa serbët. Vetëm pardje Policia Kufitare ia ka marrë Vaxhid Zahirit 110 dele të cilat i kulloste në afërsi të Dobrosinit.

“Delet kanë qenë tij dhe ai ishte duke i kullotur në vendin e quajtur “Liken”, aty ku gjithmonë në vjeshtë i kanë kullotur bagëtinë Dorosini që bije me Bujanoc por edhe Stublina me Gjilan”, deklaroi një banor i Dobrosinit për “Zërin”, duke dëshmuar se kullosat por edhe pronat janë të përbashkëta.

Sipas tij, kjo çka po ndodhë me Policinë e Kosovës është më shumë se skandal.

“Nuk është hera e parë që policia kosovare, shumicën i njohim edhe familjarisht, të cilët gjatë luftës e kanë ngrënë bukën tonë, po na bëjnë telashe. Po na detyrojnë të shpërngulemi drejt Kosovës”, shprehet ai, duke besuar se edhe Policia e Kosovës është në një vij me xhandarmërinë serbe për t’i shpërngulë shqiptarët nga malësia e Karadakut.

“Nuk është hera e para që marrin dele. Këta i kanë marrë edhe lopët dy –tre vetëve në Dobrosin…ky është më shumë se skandal. Ata i marrin bagëtinë fukarenjve, ndërsa kontrabandistët që ua mbushin gushen, nuk i shohin hiq”, thotë ky banor i revoltuar duke iu mallkuar: “haram iu koftë buka që e kanë ngrënë”.

Kurse Zyra për Informim e Policisë së Kosovës e konfirmon rastin duke thënë se, një person i dyshuar i nacionalitet shqiptar (shtetas i Serbisë) me bagëti ka kaluar kufirin shtetëror, me qëllim të kullosjes në territorin e RKS-së.

“Me urdhër të prokurorit i janë konfiskuar 110 krerë bagëti (dele dhe dhi) në vlerë prej 10.000 euro”, thuhet në njoftimin e PK-së.

Ndryshe, Dobrosini është fshati i parë kufitarë që bijë në komunën e Bujanocit. Vija kufitar këtë fshat e ndanë vetëm dy qind metra nga pika administrative me Kosovën. Gjatë vitit 2000-2001 ka qenë bastioni (vendlindja) e ish-Ushtrisë Çlirimtare për Preshevë, Medvegjë dhe Bujanoc (UÇPMB), ndërsa gjatë luftës në Kosovë ka qenë arterie furnizimi dhe vendstrehim për shumë banorë të Anamoravës.

“Nuk e kemi merituar këtë poshtërsi nga Kosova. Vetëm nga ky fshat kanë qenë më shumë se 40 veta të përfshira direkt ose indirekt në dy luftëra”, thotë një banorë tjerë i fshatit, i cili ka një kërkesë nga Prishtina zyrtare, që rrugën alternative Gjilan-Dobrosin- Lluëan-Bujanoc ta negociojë në Bruksel, dhe ta zyrtarizojnë

Një libër botim i muajit maj 2015, ka bërë bujë në SHBA dhe në vende të tjera, e për të në Shqipëri nuk është thënë asnjë fjalë. Në këtë libër, autorja Jana Arsovska, e ka studiuar krimin e organizuar shqiptar, që nga fillesat e tij, në kohën e komunizmit dhe deri në ditët tona.

Autorja, që është profesoreshë në Universitetin e Kalifornisë, e ka bazuar librin e saj në studime të ndryshme, intervista dhe raporte nga shërbimet sekrete të vendeve të huaja dhe disa raporte të OKB-së, në lidhje me drogat dhe organizatat kriminale që janë në botë.

SYRI.net ka vendosur që të sjellë disa pjesë të këtij libri, duke nisur nga krijimi i mafisë shqiptare në vitet ’60, me bekimin e Enver Hoxhës dhe deri në ditët tona.

Sikurse shumica e vendeve post-komuniste, Shqipëria qe shtëpi e një rrjeti të gjerë njerëzish të cilët në të kaluarën kishin punuar për shërbimet ushtarake kombëtare, shërbimet sekrete, apo për policinë. Në fakt, shërbimet e brendshme sekrete dhe policore ishin një pjesë kyçe e regjimit komunisto-absolutist. Sipas raportit të Zyrës së OKB-së për Drogën dhe Krimet (UNODC) për 2008-n, Policia e Shtetit në Shqipëri dhe në vende të tjera të Ballkanit ka vepruar gjerësisht mbi ligjin.

Me kalimin e kohës, vepruesit e nëndheshëm dhe shërbimet e sigurisë në rajon i bashkuan forcat për krijimin e një aparati të gjerë informativ. Agjencisë e sigurimit të periudhës komuniste ndërvepronin me kriminelë profesionistë, përfshirë edhe shumë prej tyre që ndodheshin në Evropën Perëndimore, të cilët joformalisht përdoreshin si informatorë apo veprimtarë (Leman and Janssens 2006).

Sipas raporteve të policisë, këta njerëz përdoreshin për një larmi detyrash të sigurisë shtetërore, si kontrabandë nafte, armësh dhe droga dhe për të vrarë disidentët e larguar.

Në Serbi, për shembull, gjërat shkuan aq keq sa që Klani i Zemunit, një prej grupeve kryesore të kontrollit të drogës në vend, ishte kryesisht e bashkuar me JSO-në – një njësi elitare e operacioneve speciale – dhe kishte artilerinë e saj, mjete të blinduara dhe helikopterë (Samuels 2010).

Në Shqipëri, disa veprimtari të krimit të organizuar, gjithashtu të papërcaktuara si të tilla, toleroheshin nga shteti edhe gjatë kohës së komunizmit sepse ato gjeneronin fitime ekstra për shtetin, plotësonin kërkesat e konsumatorëve që nuk garantoheshin dot nga ekonomia zyrtare dhe ndihmonin në destabilizimin e shoqërive kapitaliste. Shërbimet e sigurisë së brendshme shpeshherë merrnin pjesë në veprimtari të tilla të paligjshme.

Për shembull, edhe pse nuk është e dokumentuar mirë, duket se ekzistonin marrëdhënie ndërmjet Shërbimit Sekret Shqiptar, Sigurimit dhe krimit të organizuar (Leman and Janssens 2006; CSD 2004).

Një raport konfidencial i inteligjencës i përgatitur nga një oficer ndërlidhjeje më 2008-n, tregon se duke nisur që nga vitet ’60, shteti komunist shqiptar bëri marrëveshje të fshehta me disa organizata kriminale italiane, duke iu lejuar atyre që të futnin cigare kontrabandë në territorin shqiptar.

Raporti i inteligjencës tregon se më 1966, Shqipëria iu mundësoi kriminelëve italianë rrugë shpëtimi nëpërmjet Detit Adriatik. Gjithashtu mafiozëve italianë iu lejohej të përdornin aeroportet shqiptare, ku ata magazinonin cigaret kontrabandë. Marrëveshja ndërmjet Sigurimit dhe organizatave kriminale italiane u miratua nga Byroja Politike dhe nga diktatori i Shqipërisë Enver Hoxha.

Në bazë të kësaj marrëveshjeje, në Shqipëri u krijua një njësi speciale, e quajtur “101K”. E vendosur në fshatin Rrushbull, pesë kilometra larg portit të Durrësit, njësia përbëhej nga oficerë të policisë kufitare shqiptare. 101K-ja ruante anijet plot me cigare që niseshin nga Durrësi, si dhe mbikëqyrte depot e cigareve që ndodheshin në Rrushbull.

Sipas raportit, Ilir Mustafaraj, një ish-zv/ministër shqiptar (aktualisht zv/ministër i Brendshëm), ka raportuar se vetëm gjatë një viti të vetëm nga fundi i viteve ’60, mafia italiane i pagoi 22 milionë dollarë të thata shtetit shqiptar. Paratë shkuan në buxhetin e shtetit dhe disa prej tyre përfunduan në buxhetin e ministrisë së Brendshme. Në fakt, raporti bën të ditur se helikopterët Alouette që vazhdojnë të përdoren në Shqipëri edhe sot u blenë në vitet ’80 me paratë e mafies italiane, shkruan Syri.net.

Mersin Rama, djali i të cilit, Luan Rama, ka shërbyer si Ministër i Brendshëm nga 2002-shi në 2003-shin, ka qenë komandanti i elitares “101K”. Marrëveshja ndërmjet mafiozëve italianë dhe shtetit shqiptar dyshohet se u negociua nga Qazim Myftiu dhe Lorenc Neshati, dy agjentë të rëndësishëm të Sigurimit Shqiptar të cilët më vonë emigruan për në Zvicër dhe iu garantua azil politik.

Bazuar te raporti i inteligjencës belge, duket se një tjetër veprimtari kriminale në Shqipëri ishte kultivimi i “Papaver somniferum”, bima e lulëkuqes nga e cila nxirret opiumi dhe shumë opiate të tjera të rafinuara. Pasi fermerët e mblidhnin opiumin, ai i dorëzohej shtetit komunist, i cili raportonte se droga do të përdorej për qëllime mjekësore, por raportet e brendshme bënin me dije se sasia e opiumit të kultivuar e tejkalonte ndjeshëm nevojat legjitime mjekësore të popullit shqiptar.

Dëshmitarët raportojnë se prodhimi kishte qëllime eksporti për vendet e tjera, dhe raporti investigues belg se pretendon se udhëheqja komuniste argumentoi se duhej përdorur “për të helmuar shoqëritë kapitaliste, në mënyrë që komunizmi të triumfonte”.

Gjithashtu edhe disa lloje të tjera të krimit të organizuar lulëzuan në Shqipëri gjatë regjimit komunist. Për shembull, njerëz me lidhje të strukturuara krijuan një sistem paralel për furnizimin me ushqime, të cilat qenë të pakta në atë kohë, duke e çuar nga dyqanet te konsumatorët me çmime shumë më të larta. Bashkëpunimi ndërmjet aktorëve të ndryshëm – prodhues, shoferë, menaxherë shitjesh, dyqane lokale, klientë, e kështu me radhë, ishte i nevojshëm për të krijuar një sistem të tillë të shpërndarjes ushqimore.

Në pjesën e dëshmimit të ish shefit të policisë sekrete të Maqedonisë dhe ish këshilltarit të Qeverisë -Sllobodan Bogoevski, dhënë avokatit të Komisionit amerikan për letër me vlerë (SEC), lidhur me rastin “Magjar Telekom” dhe kompanisë së sajë motër – “Telekomi i Maqedonisë”, Bogoevski në mënyrë të hollësishme i përshkruan të gjitha operacionet dhe aktivitetet në të cilat ka marrë pjesë edhe ndërmjetësuesi i tyre, i angazhuar nga biznesmeni kontravers grek Dimitris Kondominas, transmeton Lajmpress.

Gjatë seancës para gjykatën e Nju-Jorkut, Bogoevski ka dëshmuar dhe është përgjigjur në pyetjet e avokatit qeveritar amerikan, që kanë të bëjnë me miton e marru nga partnerë të caktuar politikë pjesë e qeverisë së atëhershme, të ciliën atëherë e kryesonte kryeministri Vllado Buckovski.

Kështu, në transkriptin e publikuar në 25 faqe, Bogoevski i përmend Buckovskin dhe personat A.A. dhe M.Xh. se në më shumë raste, më ndërmjetësim të njerëzve të Kondominas, kanë marrë mito në vlerë prej 7.5 milionë euro (në kesh).

Sot, me një shpejtësi të pazakonshme për sistemin tonë të drejtësisë, u dënua një qytetar që i shqetësuar për padrejtësitë që po i bëhen Kosovës, paska “kërcënuar” ministrin Arban Abrashi dhe djalin e kryeministrit.

Derisa vetë kryeministrit i trajtohen tash e 2 vite 70 lëndë për krime e korrupsion; derisa djemtë e tij tash e 2 vite kanë procese të hapura për keqpërdorime; derisa gjithandej nëpër media raportohet nepotizmi me tendera i kryeministrit Mustafa; derisa Ramadan Muja i PDK-së tash e 2 vite nuk gjykohet për keqpërdorimet e komunës… gjykatat e Isa Mustafës godasin qytetarët, vetëm atëherë kur cenohen familjarët apo ministrat e tij.

Ditëve të fundit e pamë hapur se si preokupimi kryesor i kësaj qeverie është ruajtja e pronave të veta private. Qeveria nuk brengoset aspak për shtetin që po e defunksionalizon dhe ndanë etnikisht, nuk brengoset aspak për gjendjen ekonomike dhe sociale të qytetarëve që po ua rritë çmimet. Qeveria brengoset vetëm kur janë në pyetje djemtë e kryeministrit, ministrat dhe familjet e pronat e tyre private.

Para disa ditësh, deputeti i Lëvizjes VETËVENDOSJE! z. Fisnik Ismaili u kërcënua publikisht nga Ramiz Hoti, zyrtar i Policisë së Kosovës. Askush nuk ndërmori asgjë për këtë rast. Ndërkaq, para ca kohësh, një zyrtar tjetër policor me emrin Samet Uka kërcënoi deputetin e VETËVENDOSJE!-s Albin Kurti me “kallje me benzinë”. Askush nuk ndërmori asgjë për këtë rast.

Ne nuk e kuptojmë se çfarë shteti demokratik e i drejtë qenka ky, që kur kërcënohet djali i kryeministrit apo ndonjë vartës i tij, reagon Policia me shpejtësi enorme dhe gjykata bëhet jashtëzakonisht efikase, ndërsa kur një zyrtar i shtetit kërcënon deputetin e opozitës, as nuk merret në pyetje nga policia se lëre më të arrestohet apo dënohet.

Përdorimi i drogës në mesin e të rinjve në Republikën e Maqedonisë është një problem i dukshëm dhe i cili kërkon një qasje serioze dhe një kundërveprim të shpejtë, si profesionistët në këtë fushë, ashtu edhe vendimmarrësit në krijimin e ndryshimeve në sistemin e shëndetësisë dhe mbrojtjes sociale.

Nga Shoqata Joqeveritare HOPS (Opsione për Jetë të Shëndetshme – Shkup) në një prononcim për Anadolu Agency (AA) shprehen se e rëndësishme për zgjidhjen e kësaj çështjeje është që Ministria e Shëndetësisë dhe Ministria e Punës dhe Politikës Sociale bashkërisht të angazhohen në hapjen e programeve për trajtimin dhe kujdesin e të rinjve të cilët përdorin drogë, pasi që këto programe momentalisht nuk ekzistojnë në Republikën e Maqedonisë.

“Përvoja jonë në terren tregon se situata me përdorimin e drogës nga të rinjtë është tepër shqetësuese, numri i personave që përdorin drogë është gjithnjë në rritje, ndërsa kufiri i moshës së përdoruesve gjithnjë është në rënie”, thotë për AA Voskre Naumoska-Ilieva, përfaqësuese nga Shoqata Joqeveritare HOPS, shoqatë e cila punon në promovimin e respektit dhe përmirësimin e gjendjes socio-ekonomike të njerëzve, veçanërisht për përdoruesit e drogës, punëtorët e seksit dhe shoqëritë tjera të margjinalizuara.

Voskre Naumoska-Ilieva është e angazhuar me monitorimin e përdoruesve të drogës në mesin e të rinjve dhe me zbatimin e programeve të ndryshme për të zvogëluar dëmin e shkaktuar nga përdorimi i drogës. Ajo thekson se nga hulumtimet e saj në terren, një nga problemet më të mëdha në ditën e sotme është përdorimi i drogës, veçanërisht në mesin e të rinjve.

“Të dhënat që kemi janë të pjesshme, disa prej tyre mund të them se tashmë janë vjetruar dhe nuk mjaftojnë për të treguar një përfytyrim. HOPS në kuadër të aktiviteteve të saj deri në muajin maj të këtij viti ka kontaktuar 76 fëmijë që përdorin drogë. Pra, bëhet fjalë për fëmijët nga mosha pesë vjeçare deri në moshën 17 vjeçare. Fëmijët më të vegjël që kemi kontaktuar janë një djalë tetë vjeçar me injektimin të heroinës dhe një fëmijë tre vjeçar që ka thithur ngjitës. Nga të gjithë këto fëmijë që kemi kontaktuar katër kanë vdekur, njëri prej të cilëve vdiq këtë vit”, deklaron Naumoska-Ilieva.

– Përdorimi i drogës tek të rinjtë është më tepër e pranishme, por më shqetësuese është fakti se kufiri i moshës së përdoruesve gjithnjë është në rënie –

Naumoska-Ilieva në vijim shpjegon se hulumtimet e kryera mbi përdorimin e drogës tregojnë se droga më tepër përdoret nga të rinjtë dhe se kjo tregon që situata në këtë drejtim është alarmante. Ajo nënvizon se sipas një hulumtimi të vitit 2012 në territorin e qytetit të Shkupit, në Ministrinë e Punës dhe Politikës Sociale janë regjistruar 20 fëmijë që përdorin drogë, prej të cilëve 14 përdorin heroinë. Në të njëjtin vit, vijon më tej Naumoska-Ilieva, Instituti për kujdesin dhe edukimin e fëmijëve dhe të rinjve “Ranka Milanoviç”, në Shkup ka evidentuar 15 fëmijë që përdorin drogë, nga të cilët shtatë heroinë, ndërkohë që në Tetovë janë regjistruar shtatë fëmijë, prej të cilëve tre ishin përdorues të heroinës.

Naumoska-Ilieva shprehet se përdorimi i drogës në mesin e të rinjve është më tepër e pranishme, por më tepër e shqetëson fakti se kufiri i moshës së përdoruesve të drogës është gjithnjë në rënie. Ajo bazohet në hulumtimet nga Projekti evropian i studimit në shkolla mbi alkoolin dhe drogat tjera “ESPAD”, hulumtime të kryera mbi nxënësit e shkollave të mesme të moshës 16 vjeçare.

“Të dhënat e fundit janë nga viti 2012 dhe ato tregojnë nga 1146 të intervistuar 8.7 për qind përdorin marihuanë, 3.75 për qind janë përdorues të ekstazës, 2.18 për qind thithin drogë, ndërsa 0.6 për qind e të përdoruesve kishin provuar heroinë. Për fat të keq, për arsye të mungesës së një sistemi për monitorimin e kësaj situate ne nuk mundemi të bëjmë një krahasim, por ajo që tregon përvoja jonë nga terreni është se jemi në një situatë shqetësuese, numri i përdoruesve të drogës është në rritje dhe kufiri i moshës së përdoruesve është në rënie”, deklaron Naumoska-Ilieva.

– Të rinjtë duhet të informohen dhe edukohen mbi rreziqet nga përdorimi i drogës –

Ajo thotë se përdorimi i drogave është një problem global, por ajo çfarë duhet të veprojë shoqëria dhe institucionet relevante është që në raste të tilla të reagojnë në kohë të duhur, duke informuar dhe edukuar të rinjtë për rreziqet që i presin nga përdorimi i drogës. Naumoska-Ilieva konsideron se vonesa në zbulimin e rasteve të përdorimit të drogës dhe parandalimit të parakohshëm të tyre të çon në një labirint nga i cili është e vështirë për të gjetur një zgjidhje.

“Sigurisht për arsye të vonesës për t’iu përgjigjur këtyre çështjeve na sjell deri në këtë situatë. Fëmijët që përdorin drogë, ata me të cilët kemi ra në kontakt, disa prej tyre janë fëmijë të rrugës, të cilët çdo ditë i shohim në qendër të qytetit duke thithur drogë. Këtë gjendje rrugëve ne e shohim që dhjetë vite dhe institucionet nuk kanë marrë asnjë hap për këtë çështje, kështu që ka ardhur situata deri aty ku fëmijët që më herët përdornin droga më të lehta, sot përdorin heroinë”, shpjegon Naumoska-Ilieva, duke theksuar se mos mundësimi i një programi për të trajtuar këta fëmijë e ka përkeqësuar situatën dhe këta droga kanë marrë jetën e katër fëmijëve, për të cilët Naumoska-Ilieva thotë se ky është numri i evidentuar, ndërsa numri i vërtetë ndoshta mund të jetë edhe më i madh.

Shoqata Joqeveritare HOPS në periudhën prej vitit 2009 deri në vitin 2011 ka bashkëpunuar me Ministrinë e Arsimit me programe parandaluese që duhet të zbatohen në shkolla të mesme, por siç thotë Naumoska-Ilieva, këto programe kanë hyrë në manualin e famshëm “Zhvillimi i aftësive të shëndetit dhe jetesës” , ndërsa shton se ata nuk kanë asnjë pasqyrë sa droga si temë është duke u punuar në mësimdhënie në shkollat e mesme.

Naunmoska-Ilieva duke theksuar se në vitin 2012 Ministria e Shëndetësisë formoi një grup punues, i cili është dashur të krijojë një protokoll për trajtimin e fëmijëve që përdorin drogë, shton se: “Për fat të keq, sot jemi në vitin 2015 dhe ende nuk kemi asnjë program për trajtimin e këtyre fëmijëve. Kjo do të thotë se institucionet relevante kanë dështuar në këtë çështje, sepse është pak e çuditshme të pritet tre vite duke krijuar një protokoll kur shohim situatën reale në terren”.

Më tepër droga përdoret nga të rinjtë, zakonisht nga kureshtja të cilët nën ndikimin e kolegëve të tyre fillojnë të eksperimentojnë me drogat, duke mos ditur se çfarë rreziqesh pasojnë më pas. Poashtu, droga në një masë të madhe ndikon në cilësinë e jetës. Ajo më tepër përdoret nga persona kryesisht të papunë, persona me akses të kufizuar në kujdesin shëndetësor, por edhe fëmijët që jetojnë në marrëdhënie jo të mira familjare, e cila është një nga rreziqet më të mëdha që sjellin deri në përdorimin e drogës dhe sjellje tjera të rrezikshme.(AA)

Isa Bylykbashi është një nga pjesëtarët e familjes Muhamet Myshqeta, ku trashëgimtarë të Muhamet Mysheta, sot janë 26 familje. Edhe pse zotërojnë të gjitha dokumentat e origjinës, për prona të patundshme, sipas pohimeve Isa Bylykbashit për gazetën “Telegraf”, këta trashëgimtarë nuk mundin të marrin dot pronën e tyre, sot Tropikal Resort,  pasi ajo është tjetërsuar nëpëmjet falsifikimeve të dokumentave dhe se institucionet shtetërore, në mënyrë flagrante duke shkelur ligjin, japin vendime në favor të fallsifikuesve.

Isa Bylykbashi në një rëfim e tij, zbardh edhe skemën e mashtrimit e të fallcifikimit që u është bërë tjetërsimit të pronave të familjes Myshqeta, ku së pari, paraqet një konfirmim pronësie të Komisionit të Kthimit dhe Kompesimit të pronave, lëshuar nga Zyra e Rregjistrimit të pasurive Durrës me numër prot. 89 datë 16.06.2003, lëshuar nga rregjistruesi Alush Xhihani për 9 prona, prej të cilave, ende nuk ka marrë asnjë.

Madje, për pronën që pretendon, Kampin e Pionierëve në Durrës, Isa Bylykbashi, ka edhe tapinë e pronës të vitit 1931, kjo e lëshuar nga Drejtoria e Adminsitrimit dhe Mbrojtes së Tokës, në datën 29.07.2010, ku dëshmohen qartë kufijtë, dhe kjo tapi e vitit 1931 është në shqip dhe në turqishten e vjetër. Edhe drejtori i Përgjithshëm i AKPP Elvis Çefa, në datën 7.12.2010 çuditërisht lë në fuqi vendimin 266 të dytë të ZRKK të Pronave të Durrësit, duke shpërfillur ligjin, që nuk i jap asnjë competence ZRKK TË Pronave që të marrë vendim të dytë, për të njëjtën çështje.

Tjetërsimi dhe falçifikimi i pronave nga sindikata e Bashkuar e Minatorëve dhe Gjeologëve

Sipas një vendimi të presidentit të Shqipërisë, në vitin 1992 dhe 1994, sindikatave të Shqipërisë iu dhanë në përdorim disa prona të deriatëhershme të shtetit, në përdorim, pa të drejtë tjetërsimi. Kështu, sindikata e Minatorëve dhe Gjeologëve me kryetar Gëzim Kalaja në 1994 kanë hipotekuar, si pronë të tyre me në hipotekën e Durrësit, me numër 4751 datë 18.05.1994 Kampin e Pionevrëve në Durrës, dhe më e çuditshmja që është e kundërligjshme, është se sipas vërtetimit hipotekor, origjina e rregjistrimit të kësaj pasurie të patundshme që merr kjo sindikatë shkruhet se është…shteti. Pra, sindikata hipotekon si pronë të saj të patundshme, një pronë që shteti ia dha për qëllim përdorimi, pa të drejtë tjetërsimi. Këtu fillon tjetërsimi i pronave nga sindikata e Gëzim Kalasë, me dokumenta të fallcifikuara. Dhe në 1995 Sami Karriqi, në emër të kësaj sindikate bën aktin e shitjes të Kampit të Pionierëve pronarit “Tropikal”, thua se kjo pronë ishte e sindikatës. Kështu, në rregjistrin hipotekor më numër 6089 datë 21.02.1995, Kampi i Pionierëve në Durrës kalon në pronësi të shoqërisë “Tropikal” dhe se origjina e rregjistrimit të pasurisë së patundshme këtu figuron numri I hipotekës 4751, të datës 18.05.1994, domethënë kur sindikata ka hipotekuar nga shteti si pasuri të saj Kampin e Pionierëve të dhënë në përdorim. Askush, deri më sot, nuk ka hetuar mashtrimet e falcifikimet sesi është hipotekuar si pronë e patundshme e Sindikatës të Gëzim Kalasë e Sami Karriqit, prona që iu dha në përdorim nga shteti me vendim presidencial në 1992. Ndoshta korrupsioni ka lyer të gjitha ingranazhet e shtetit, që tjetërsimi i pronave me mashtrime e falcifikime të mos hetohet kurrë.

ZRKPP në Durrës, ia njeh pronën e Kampit të Pionierëve familjes Myshqeta, por pas 3 muajsh e çvlerëson vendimit

Zyra Rajonale e Kthimit dhe Kompesimit të Pronave në Durrës, merr vendime skandaloze, duke shkelur në mënyrë flagrante ligjin. Kështu në datën 25.06.2007 ZRPP Durrës me drejtor Klodi Benja, vendosë që t’i njohë të drejtën e pronësisë familjes Myshqeta, në bazë të nenit 6 të ligjit 9235, datë 29.07.2004 dhe kthimin në natyrë trashëgimtarëve për pronën me sipërfaqe 81.562 m2. Mirëpo çuditërisht, po ky drejtor i ZKKP në Durrës, Klodi Benja, në datën 28.09.2007 me numër vendimi 266 në2, që të mos ia njohë më të drejtën e pronësisë të Kampit të Pionierëve në Durrës familjes Myshqeta, duke e bazuar këtë vendim po në bazë të të njëjtin ligj, që 2 muaj më parë ia njohu. Interesant. Po drejtori i ZKPP në Durrës, Bledi Benja, ka shkelur edhe ligjin, sepse si ZKPP nuk mund të marrë 2 vendime për të njëjtën çështje, pasi duhet institucion tjetër, që të anullojë e ndryshojë vendimin që ka marrë njëherë ZKPP.

KLSH zbardh fallsifikimin e pronësimit

KLSH në saj të një auditimi që ka bërë për të parë sa është zbatuar ligji në lidhje me pretendimin e familjes Myshqeta, për tjetërsimin e pronave te Kampi i Pionierëve në Durrës, në datën 10.03.2015 i kthen përgjigje Musa Bylukbashit, duke zbardhur skemën e shkeljes së ligjeve, për tjetërsimin e pronave. KLSH në auditimin e saj thotë:

Të gjitha veprimet e evidentuar më lart, si kontrata për themelimin e shoqërisë “Tropikal” shpk, shitja e pronave të sindikatës Adrian Takes, vijnë në kundërshtim me ligjin nr. 8340/1 datë 5.6.1998 “Për rregjillimin e pasojave që kanë rrjedhur nga zbatimi I dekretit nr.204 datë 5.6.1992 “Për pasusinë e sindikatave:,, mbasi tjetërsimi i pronave të sindikatave nuk mund të bëhet para vitit 2020, në zbatim të Dekretit dhe ligjit.

Shkeljet e ligjit nga ZVRPP Durrës: Në kartelat e pasurive të palujtëshme nuk është firmosur nga specialist që ka përpunuar praktikën, Nuk ka datë të lëshimit të certifikatës, Katelat nuk janë vulosur e firmosur nga rregjistruesi. Shoqëria “Tropikal” shpk, si palë porositëse është përfaqësuar nga Adrjan Takaj, në cilësinë e administrattorit në praktikën e rregjistrimit mungojnë: Çerfitikata e pronave e cliësisë të materialeve të përdorura, Çertifikata e pronësisë mbi truallin.

Takaj i mbytur ne borxhe/ Bankat nxjerin ne shitje Tropikal Resort

Nga Blendi Salaj

Te mrekullueshme keto studiot e pushimit ne Greqi.

Dhoma te pastra, oborre te gjelberta, plazhe te vegjel me uje kristal.

Nuk eshte natyra me e bukur, as Wi-Fi me i forte por rregulli, harmonia e ndertimeve, ruajtja e hapesirave, mungesa e zhurmes qe e sfidojne vec gjinkallat.

Cmime te arsyeshme, mikpritje e kultivuar ne vite, jane ato qe bejne ndryshimin.

Keto na duhen, gjera te thjeshta qe te zevendesojne shfrytezimin qorr te bregdetit tone, qe do vuaje gjate faje te bera me shpejtesine e atij qe mendon vetem per sot.

Para dy javesh isha ne Himare dhe rrotull andej, ku bukuria e pamohueshme e natyres perzihet me rremujen, rendjen per te ndertuar “hotele” ku i vetmi sherbim eshte catia mbi koke.

Nje ndertese e kuqe, nje e verdhe, nje e palyer.

Nje me cati, nje me tarrace, nje me hekurat perpjete me shpresen per nje kat me shume (a dy) mot.

Nje e mbaruar, nje ne themel, nje me beton, nje me tulle, nje me gure.

Dy njesoj, kurrre! Rremuje pamore, rremuje akustike, rremuje mendore.

Sherbimi, me i miri; mesatar.

Keto i shkruaj pa kenaqesi, shkurt si nen cader, me telefon.

Sepse kjo tema e turizmit bregdetar ne Shqiperi hapet cdo vere.

E dua shumë Shqipërinë, por kur dëgjoj njerëz të thonë se kemi bregdetin më të bukur në botë, mendoj se, dukshëm, këta nuk janë familjarizuar me hartën e Botës.

Fundja, nuk ka nevoje te jete perle cdo vend, mjaft te ofroje mundesine per te pushuar.

Pa vramendje se mos ikin dritat, a ku do gjejme parkim, a ndonje vend ku hahet… hahet.

Mbreme ketu ne Greqi ra qeveria, por pushimet vazhdojne njesoj.