FIFA, strukture të re për Kupën e Botës

Kampionati botëror së shpejti mund të zgjerohet, aq sa numri i kombëtareve pjesëmarrëse pritet të shkojë në 40.

Presidenti i FIFA­-s, Infantino, ishte në Montevideo dje dhe prej andej tha: “Duhet të zgjerojmë fazën finale, ndoshta që prej vitit 2026. Do të bisedojmë me lojtarët dhe komitetin e FIFA­s. Është një lëvizje e mirë, jo vetëm se u jep shumë kombëtareve shansin të marrin pjesë, por edhe shumë të tjerave mundësinë të ëndërrojnë për kualifikim”.

Infantino mendon që prej Botërorit 2026 numri i kombëtareve pjesëmarrëse në Botëror të shkojë në 40.