Ekipi futbollistik turk Fenerbahçe nuk kaloi një fluturim të qetë për në Britani të Madhe për ndeshjen me Manchester United-in e vlefshme për fazën e grupeve të UEFA Europa League, raporton Anadolu Agency (AA).
Avioni që transportonte ekipin ‘verdhë e kaltër’ të Fenerbahçes bëri ulje të detyruar në aeroportin e Budapestit për shkak se në xhamin e kabinës së pilotit u përplas një zog.
Në deklaratën e klubit të Fenerbahçes thuhet se në avion ishin presidenti i klubit Aziz Yıldırım, drejtuesit dhe futbollistët kur në pjesën e jashtme të xhamit të kabinës së pilotit u përplas një zog.
Për shkaqe të sigurisë avioni u detyrua të bëjë ulje emergjente në aeroportin e Budapestit në Hungari.
Ndër të tjera theksohet se tek ekipi nuk ka ansjë situatë shqetësuese dhe se një avion tjetër është nisur nga Turqia për të dërguar ekipin në Manchester.