Lisba është duke i përcjell me vigjilencë të duhur dhe në qetësi ngjarjet në vitet e fundit në vendin tonë.
Pas shumë kontakteve me qytetarët dhe xhematin ,sidomos në muajin e shenjtë të Ramazanit jemi obliguar që me anë të kësaj komunikate ti drejtohemi opinionit të gjerë .
Arrestimet e filluara vitin e kaluar e të vazhduara edhe tani , të besimtarëve musliman në mënyrë spektakolare , joprofesionalisht të trajtuara nga prokuroria e ndikuar politikisht, me akuza të rënda të pabazuara , terrori i ushtruar nga organet e pushtetit ndaj familjeve të besimtarëve musliman ,vlerësimet e gabuara të analistëve dhe disa politikanëve të motivuar nga shkaqet që ata i dinë por që shfaqen subjektivitet , diskriminim , paragjykim urrejtje dhe sharlatanizëm individual e profesional.
Deshën që të mbjellin frikë dhe panik në mesin e popullatës tonë të dashur kinse kështu janë besimtarët në Kosovë , për të futur urrejtje ndaj besimtarëve që edhe të sulmohen në opinion , familje , rrugë apo kudo tjetër.
Edhe pse shumica dërrmuese u liruan nga paraburgimi dhe akuzat , gjë që ne e dinim se janë të pafajshëm , sepse në Kosovë deri me tani nuk ka pas asnjë veprim i cili mundë të klasifikohet si terrorizëm , prapë se prapë disa qarqe të pushtetit po mundohen me dhunë të mbjellët klima e terrorit , po mundohen të instalojnë apo inskenojnë diçka qe nuk ka sepse po te ekzistonte edhe vetëm dyshimi për këtë dukuri LISBA e para do të dilte me tërë qenien e vet kundër këtyre dukurive të dëmshme për vendin tonë , dhe ne në LISBA nuk besojmë që ka besimtarë të tillë , sepse jemi besimtarë dhe Allahu në Kuran na mëson të mos bëjmë padrejtësi , por ta duam dhe ta ruajmë popullin dhe vendin tonë, gjë që e kemi dëshmuar .
Krijimi i një klime të pasigurisë , panikut dhe frikës mund të jetë shtrat i përshtatshëm për veprime kundër popullit dhe vendit tonë , sikurse ishte rasti i serbit të kapur me eksploziv e që pastaj faji të adresohet tek besimtarët musliman .
Gjithsesi kjo klimë është në ndërgjegjen dhe përgjegjësinë e pushtetit . Sikurse këto paragjykime , trillime e gënjeshtra nuk mjaftuan për të vazhduar me tendenca të qëllimshme kinse në muajin e shenjtë të Ramazanit do të sulmohen edhe xhamitë ku si rrjedhojë pamë që në festën e Bajramit policia e Kosovës me masa të shtuara të uniformuar dhe me antiplumb por edhe pjesëtarë civil rrethonin xhamitë tona me qëllim të prishjes së festës dhe futjen e përçarjes në mes të besimtarëve .
Këtyre dukurive jo pakë ju kanë kontribuar edhe disa hoxhallarë të shitur që në mënyrë të hapur apo të fshehur kanë trilluar që në Kosovë ka terrorist kjo le të mbetët në ndërgjegjen dhe imanin e tyre .
Ne ju sugjerojmë që urgjentisht të ndalën këto dukuri të rrezikshme për popullin dhe vendin tonë të dashur .
Të japim kontributin tonë të përbashkët në interes të sigurisë , qetësisë dhe të vërtetës , mos të biem pre e interesave të caktuara anti shqiptare me gënjeshtra , trillime , interesa personale apo vasalitet të pa parë për të mbuluar dështimet dhe dukuritë shkatërruese që e kanë sjellë popullin tonë në një situatë të mjerë ekonomike , sociale , shëndetësore , politike etj.
Kushdo që tenton ta dërgoj Kosovën në një rrugë të gabuar nuk do të ketë sukses sepse këtë nuk do ta lejoj ky popull i përvuajtur .
Bëjmë apel për qetësi të pakushtëzuar në mesin e popullit tonë të pastër , kërkojmë dorëheqjen e drejtorit të përgjithshëm të policisë së Kosovës , të prokurorëve të cilët janë të ndikuar dhe nën direktivat e politikave të pushtetit dhe kërkojmë profesionalizëm nga institucionet e sigurisë si dhe nga kryeprokurori i shtetit.
Sektori për politikë dhe siguri i Lisba-s
Datë 23.07.2015