Organizata terroriste YPG/PKK ka bastisur një fshat në kufirin me Irakun dhe ka arrestuar pesë anëtarë të Këshillit Kombëtar Kurd të Sirisë (ENKS), transmeton AA.
Në një deklaratë me shkrim ENKS tha se, terroristët më 4 prill kanë bastisur fshatin Bani Shefti në rajonin Derik në kufirin me Irakun.
Siç thuhet, terroristët kanë kërcënuar dhe kontrolluar të rinjtë dhe kanë privuar nga liria pesë anëtarë të “Partisë Demokratike të Kurdistanit” (PDK-S) që funskionon në kuadër të ENKS-së.
Terroristët i kanë dërguar me forcë politikanët kurdë opozitarë para popullatës së fshatit.
“ENKS dënon aktet terroriste ndaj popullatës kurde dhe kuadrove të Këshillit Kombëtar Kurd të Sirisë. I bëjmë thirrje komunitetit ndërkombëtar, organizatave të të drejtave të njeriut dhe partive kurde të ushtrojnë presion mbi PYD-në”, thuhet në deklaratë.
YPG/PKK, e cila mban të pushtuar një të tretën e territorit të Sirisë, ndërsa nuk lejon politikat që janë në kundërshtim me organizatën terroriste, e cila edhe më herët ka arrestuar anëtarët e ENKS-së, si dhe ka djegur apo ka mbyllur zyrat e partive politike.