Testet toksikologjike të kryera te sulmuesi i vrarë kanë dëshmuar për nivelin e alkoolit prej 0,93 gram për litër gjak, si dhe prani të kokainës dhe kanabisit
Zyrtarët francezë kanë konfirmuar se 39-vjeçari Ziyed Ben Belgacem, i cili të shtunën u qëllua për vdekje në aeroportin Orly në kohën kur po sulmonte ushtarët francezë, ka qenë nën ndikim të alkoolit dhe drogës.
Zyra e prokurorit të Parisit, ka njoftuar se testet toksikologjike të kryera te sulmuesi i vrarë kanë dëshmuar për nivelin e alkoolit prej 0,93 gram për litër gjak, si dhe prani të kokainës dhe kanabisit.
Babai i tij tha të dielën se Ziyed “nuk ka qenë terrorist”, por se për veprimin e tij, fajtorë janë alkooli dhe droga. “Biri im nuk ka qenë terrorist. Ai asnjëherë nuk është lutur, ndërkohë që pinte alkool. Ai ka qenë nën ndikimin e alkoolit dhe kanabisit”, tha babai i Ziyedit të vrarë.