Ministri i Brendshëm, Ndërtimit dhe Atdheut të Gjermanisë, Horst Seehofer tha se Islami nuk i përket Gjermanisë.
Seehofer në një intervistë për gazetën gjermane “Bild”, ka thënë se vendi i tij është formur gjatë krishterimit.
Ai tha se kjo reflektohet përmes të dielës si ditë jo-pune, pastaj festa fetare të krishtera, si rituali i Pashkëve dhe Krishtlindjet.
“Islami nuk i përket Gjermanisë”, tha Seehofer, duke shtuar se Gjermanisë i përkasin muslimanët që jetojnë në këtë vend.
Ai kujtoi se 12 vite më parë u inicua Konferenca Islamike e Gjermanisë, e cila mbledh përfaqësuesit e komuniteteve muslimane dhe zyrtarëve gjermanë.
“Konferenca Islamike është shumë e rëndësishme për ne. Ne duhet të ulemi me përfaqësues të organizatave muslimane, të kërkojmë dialog, nëse është e nevojshme edhe të përhapim atë. Mendoj se muslimanët nuk duhet të jenë për apo kundër nesh, por ata duhet të jetojnë me ne. Për të arritur këtë nevojitet mirëkuptim i ndërsjellë. Kjo mund të arrihet duke biseduar”, tha ai.
Ish-presidenti gjerman Christian Wulff në vitin 2010 pati deklaruar se Islami i përket Gjermanisë. Kancelarja gjermane Angela Merkel gjithashtu në vitin 2015 tha se pajtohet me këtë.