Presidenti i Francës, Emmanuel Macron, deklaroi se vendi i tij dhe Evropa kanë hyrë në “ekonomi të luftës”.
Në fjalën e tij në hapjen e Eurosatory 2022, ekspozita ndërkombëtare e industrisë së armëve luftarake në kryeqytetin Paris, Macron tha se i kërkoi ministrit të Mbrojtjes dhe shefit të Shtabit të Përgjithshëm të rishikojnë ligjet për programin ushtarak në dritën e situatës gjeopolitike në javët në vijim.
Duke u shprehur se Franca dhe Evropa janë në një “ekonomi lufte”, Macron tha se vendet do të organizohen në këtë drejtim për një kohë të gjatë.
Duke bërë thirrje për forcimin e mëtejshëm të industrisë evropiane të mbrojtjes, Macron theksoi se industria e mbrojtjes dhe infrastruktura teknologjike e Evropës duhet të forcohen dhe të bëhen më të fuqishme dhe më të kërkuara.
Macron pritet të shkojë në Kiev
Thuhet se presidenti francez, i cili pritet të vizitojë Rumaninë dhe Moldavinë këtë javë, do të vizitojë 500 ushtarë francezë të dërguar në Rumani për të forcuar praninë e NATO-s në rajon për shkak të luftës Rusi-Ukrainë.
Shtypi francez njoftoi se Macron do të udhëtojë nga atje në Kiev dhe do të takohet me presidentin ukrainas, Volodymyr Zelenskyy.