Kryetari i partisë Fjala, Gëzim Kelmendi ka akuzuar kryeministrin Haradinaj se ka shpenzuar shuma të mëdha parash për përvjetorin e vdekjes së Skënderbeut.
Kelmendi përmes një postimi në Facebook, ka thënë se qytetarët po vdesin nga mungesa e barnave, e ti Haradinaj për përvjetorin e vdekjes së Skënderbeut i shpenzon 550 mijë euro.
Më poshtë mund ta lexoni postimin e plotë të Gëzim Kelmendit:
Gëzim Kelmendi: O Ramush Haradinaj, qytetarët po vdesin nga mungesa e barnave, e ti për përvjetorin e vdekjes së Skënderbeut i shpenzon 550 mijë euro
Ditë më parë Qeveria e Republikës së Kosovës morri vendim që të i ndaj nga buxheti i Kosovës 550 mijë euro me rastin e përvjetorit të vdekjes së Skënderbeut.
Prej tyre 250 mijë euro në restaurimin e kishës dhe 250 mijë tjera për muze dhe veprën e Marin Barletit.
Në situatën ekonomike në të cilën ndodhet Kosova, ky vendim i qeverisë është vendim i turpshëm dhe skandaloz.
Mos të harron qeveria se mbi 50 ish-ushtarë të UÇK-së kanë bërë vetëvrasje përshkak gjendjes së rëndë ekonomike.
Shumë qytetarë po vdesin nga mungesa e barnave dhe pamundësia shërimit jashtë vendit.
Në spitalet e Kosovës mungojnë insulinat dhe barnat e esenciale.
Ndërsa qeveria në krye me Ramush Haradinajn pa fije turpi keqpërdorin paratë e qytetarëve të Kosovës.
Gëzim Kelmendi