Në rajonin Mazandaran në veri të Iranit janë arrestuar 42 persona të cilët akuzohen për adhurim të djallit (satanizëm).
Sipas agjencisë zyrtare iraniane të lajmeve (IRNA) Prokuroria në Mazandaran nëpërmjet një deklarate njoftoi kryrjen e një operacioni ndaj një grupi që ishte përcaktur se kryente rite sataniste në zonën Chalus. Në kuadër të operacionit u arrestuan 42 persona, 14 prej të cilëve femra.
Gjithashtu bëhet e ditur se në operacion janë konfiksuar 11 automjete të personave në fjalë. Pas përcaktimit nga njësitë e shërbimeve inteligjente është arrestuar edhe një person i cili akuzohet si lider i grupit.
