Ushtria e Azerbajxhanit ka qëlluar duke shkatërruar një pikë të ushtrisë armene nga e cila është hapur zjarr.
Në deklaratën e Ministrisë së Mbrojtjes të Azerbajxhanit thuhet se një pikë e zjarrit të ushtrisë armene e cila vazhdimisht hapte zjarr ndaj pozicioneve të Azzerbajxhanit është qëlluar duke u shkatërruar. Ministria e cila ka njoftuar se ka humbje të jetëve nga ushtria e Armenisë, ka publikuar edhe pamjet e sulmit.
Ndër të tjera njoftohet se është rrëzuar edhe një mjet ajror pa pilot i Armenisë i cili kryente fluturime zbuluese mbi pozicionet e Azerbajxhanit në fshatin Talish në vijën e frontit.
Ushtria e Armenisë në orët e natës ka kryer sulme përgjatë vijës së frontit ndaj pozicioneve të Azerbajxhanit, ku dhe në rajonet Hoxhavend-Fuzuli pati përleshje të ashpra.
Sulmi u zbraps nga ushtarët e Azerbajxhanit. Gjithashtu u njoftua se nga ushtria azere ka patur edhe humbje të jetëve.
