Ministria e Mbrojtjes së Azerbajxhanit nëpërmjet një letre drejtuar Ministrisë ruse të Mbrojtjes dhe komandës së elementëve rusë me detyrë të përkohshme në Malësinë e Karabakut i kërkoi Rusisë të parandalojnë kalimin në Karabak të automjeteve që u përkasin vendeve të tjera.
Në një deklaratë nga Ministria e Mbrojtjes së Azerbajxhanit thuhet se në letër vihet theksi se kalimi i automjeteve të vendeve të tjera në rajonet ku jeton popullata armene dhe të cilat ndodhen nën kontrollin e përkohshëm të elementëve rusë është në kundërshtim me deklaratën që presidentët e Azerbajxhanit, Armenisë dhe Rusisë nënshkruan më 10 nëntor 2020.
Më tej nga Rusia kërkohet që të parandalojë situata të tilla dhe se hyrja e personave fizik dhe juridik si dhe e automjeteve të vendeve të tjera në territoret e Azerbajxhanit pa lejen e Azerbajxhanit është në kundërshtim me ligjet e vendit.
Në faqet e postimeve sociale janë publikuar pamje të cilat dëshmojnë se maune dhe tankerë nafte me targa iraniane kanë hyrë në rajonet nën kontrollin e elementëve rusë.
Në muajin gusht Azerbajxhani i dërgoi notë proteste Iranit për shkak të mauneve që kanë udhëtuar në mënyrë të paligjshme në rajon.