Fokus

Presidenti i Turqisë, Recep Tayyip Erdoğan, në një fjalim të mbajtur në ceremoninë e përcjelljes së anijes në kantierin e ndërtimeve të anijeve Tuzla-Sedef në Stamboll tha se “Turqia nuk ka vendosur dhe nuk vendos në pozitë të vështirë askënd nga ata që i besojnë, që janë të besueshëm dhe që investojnë. Një pjesë e madhe e investitorëve ndërkombëtarë vazhdojnë investimet në vendin tonë duke i rritur ato sepse ata e shikojnë këtë të vërtetë”.

Erdoğan, ka theksuar gjithashtu se nga 4 anijet e ndërtuara për të përballuar nevojat në energjinë elektrike, 2 prej tyre do të kontribuojnë për Indonezinë dhe 1 në Gana dhe tjetra në Mianmar.

Gjithashtu ai ka shprehur përgëzimet ndaj kompanisë Karadeniz Holding, e cila me projektet Powership e vendos në një vend të rëndësishëm në botë Turqinë në fushën e ndërtimit të anijeve të energjisë dhe në fushën e menaxhimit të tyre. Presidenti i Turqisë ka shtuar se kompania aktualisht operon në Liban, Gana, Indonezi, Zambia me 9 anije që tejkalojnë një kapacitet pre 1.500 megavat dhe se me anijet e reja ajo do të mundësojë një rritje me një kapacitet prej 6.000 megavat.

“Aktet e organizatave terroriste ndjehen vetëm në vendin dhe momentin ku ato kryhen. Përveç kësaj ato rritin trishtimin, zemërimin tonë, por kurrë nuk ndikojnë në punët tona. Edhe sikur ajo të jetë tentativë për grusht shteti, në mëngjes vazhdon çdo gjë të funksionojë në mënyrë të përkryer në vend”, është shprehur ndër të tjera Presidenti Erdoğan.

Gjithashtu në fjalën e tij Presidenti Erdoğan ka theksuar se “Ky është ndryshimi ynë; që në të njëjtën kohë realizojmë projektet, në një kohë duke përballuar problemet të cilat çdonjëri prej tyre janë të mjaftueshëm që të gjunjëzojnë çdo vend tjetër ku ato mund të zbatohen”.

Ndër të tjera duke vënë në dukje se problemi më i madh i Turqisë është se nuk mund të shpjegojë vetveten në mënyrën e drejtë, Erdoğan, ka theksuar:

“Shkaku i vërtetë i kësaj janë veçoritë unike që Turqia posedon. Unë nuk di ndonjë vend tjetër që të ketë kaq shumë probleme dhe në të njëjtën kohë të ketë një ekonomi kaq të madhe. Pamja që vëren kur shikon Turqinë një person që nuk e njeh thellë vendin dhe popullin tonë është kjo: është një vend që ndodhet në objektivin e të gjitha organizatave terroriste të rëndësishme, është i përfshirë në mënyrë aktive në zhvillimet në rajonet më të trazuara të botës në Siri dhe Irak, është një vend i ndërthurur me zonat me potenciale të mundshme të krizës si Ballkani, Deti i Zi, Kaukazi. Madje një vend që para 4 muajsh është përpallur me një tentativë për grusht shteti. A është e drejtë kjo? Sigurisht që po. Por çështja është se Turqia nuk është vetëm një vend i të gjitha këtyre gjërave. Kjo është vetëm njëra anë e medaljes. Atëherë të vërejmë se çfarë ka në anën tjetër. Në anën tjetër ndodhet një Turqi e cila çdo ditë kryen hapjen e projekteve në nivel botëror, kryen përgatitje për projekte të reja, me rezistencën e fortë nuk largohet nga objektivat e saj përballë krizave rrënuese, një Turqi e cila rritet, forcohet dhe zhvillohet”.

Nëpërmjet një videoje hoxha inderuar Bekir Halimi në Shkup pronocohet ku jep disa këshilla dhe porosi, për ta dëgjuar klikoni më poshtë:

Supozohet se anëtarët e kësaj organizate kuptuan se pas takimit të Këshillit të Lartë Ushtarak ata do të largohen nga puna me çka vendosën të nisin grusht shtetin ushtarak

Informacionet e inteligjencës të dërguara në Shtabin e Përgjithshëm të Forcave të Armatosura të Turqisë disa muaj më parë, në prag të seancës së radhës të Këshillit të Lartë Ushtarak, kishin të bënin me paralajmërimet në lidhje me organizatën terroriste të strukturave të shtetit paralel (FETO/PDY).

Raporti i inteligjencës ka paralajmëruar se një e treta e kolonelëve dhe gjeneralëve të cilët ishin në pritje për t’u emëruar në seancën e Këshillit, ishin të lidhur me organizatën terroriste të strukturave të shtetit paralele (FETO/PDY).

Shtabi i Përgjithshëm, në përputhje me raportin e paraqitur pati iniciuar procedurat në lidhje me oficerët emrat e të cilëve u gjetën në raport. Supozohet se anëtarët e kësaj organizate kuptuan se pas takimit të Këshillit të Lartë Ushtarak ata do të largohen nga puna me çka vendosën të nisin grusht shtetin ushtarak.

Sipas të dhënave të marra nga gazetari i Anadolu Agency (AA), pas kostatimit se hetimi i koduar Ergenekon është komplot i organizatës terroriste FETO, oficerët e lartë të ushtrisë turke u vunë nën vëzhgimin e strukturave të zbulimit.

Në bazë të rezultateve të kontrolleve të filluara në mars të këtij viti, një e treta e oficerëve të cilët ishin paraparë të mbanin poste të caktuara pas seancës së Këshillit ishin të lidhur me organizatën terroriste FETO/PDY. Raporti që përmban emrat e oficerëve të lidhur me FETO/PDY, i ishte dorëzuar përmes rrugës zyrtare Shtabit të Përgjithshëm.

Raporti i dorëzuar në Shtabin e Përgjithshëm me listën e emrave që ishte pjesë përbërëse e saj, ka mbërritur në duart e oficerëve anëtarë të organizatës terroriste FETO/PDY të cilët kishin kuptuar se pas seancës së Këshillit kjo organizatë do të humbiste fuqinë në mënyrë të konsiderueshme brenda forcave të armatosura dhe vendosën që më 15 korrik të nisin grusht shtetin.

Saktësia e të dhënave të raportit të shërbimit të inteligjencës u konfirmua në hetimet pas 15 korrikut, në kuadër të së cilës u arrestuan rreth 100 oficerë, emrat e të cilëve janë përmendur në dokumentin e cilësuar si “top sekret”.

Burime zyrtare konsiderojnë se anëtarët e organizatës terroriste FETO, oficerët e lartë, kanë mundur të largohen nga forcat e armatosura, pas mbledhjes së Këshillit të Lartë Ushtarak, po të mos ndodhnin disa lëshime të sigurisë në Shtabin e Përgjithshëm.

Takimi i Këshillit të Lartë Ushtarak, ku për herë të parë do të kryesojë kryeministri i Turqisë Binali Yildirim do të mbahet të enjten në Ankara. Në këtë seancë do të bëhen emërime të rëndësishme, por edhe do të analizohet në detaje tentimi i grusht shtetit të kryer nga organizata terroriste FETO/PDY.

Kështu seanca, e cila çdo vit mbahet në një dhomë të veçantë në Shtabin e Përgjithshëm, në fshehtësi të rreptë, për herë të parë do të mbahet jashtë hapësirave të Shtabit të Përgjithshëm. Gjithashtu për herë të parë në seancë do të merr pjesë edhe ministri i Mbrojtjes, Fikri Isik.

Në çdo një mijë gra të cilat nuk pinë vetëm 109 diagnostikohen me kancerin e gjoksit ndërsa numri rritet në 153 për ato që pinë prej 14 deri në 35 njësi alkool në javë.

Alkooli vlerësohet të jetë shkaktari i gjysmë milion vdekjeve nga kanceri vetëm në vitin 2012. Kjo nënkupton rreth 6% të gjitha vdekjeve në mbarë botën nga kjo sëmundje.

Gjatë një hulumtimi të bërë janë gjetur dëshmi të fuqishme të dëmit direkt të konsumimit të alkoolit. Profesoresha e Universitetit të Otago në Zelandën e re, Jennie Connor, ka thënë se alkooli ka shkaktuar vdekjen e gjysmë milionë njerëzve vetëm në vitin 2012 dhe rreziqet më të mëdha vijnë kur njerëzit e teprojnë me pirjen e tij.

“Ekzistojnë dëshmi të fuqishme që alkooli shkakton shtatë lloje të kancerit dhe ndoshta edhe të tjera. Nuk jemi akoma të sigurt se cilat janë shkaqet biologjike pse ndodh kjo”, ka thënë ajo.
Llojet e kancerit të cilat i shkakton janë: i gojës, i fytit, laringut, ezofagut, mëlçisë, zorrës së trashë dhe gjoksit.

Hulumtimi zbuloi edhe se nuk ka një nivel të sigurt të pirjes por që rreziqet për t’u goditur nga kanceri reduktohen nëse e ndaloni atë.

Gratë të cilat konsumojnë alkool janë më shumë të rrezikuara nga kanceri se sa ato që nuk e bëjnë.

Në çdo një mijë gra të cilat nuk pinë vetëm 109 diagnostikohen me kancerin e gjoksit ndërsa numri rritet në 153 për ato që pinë prej 14 deri në 35 njësi alkool në javë.
Ekziston një teori e cila thotë se alkooli e dëmton ADN-në prandaj edhe shkakton kancerin.

WCRF gjithashtu ka bërë të ditur se konsumimi i tri gotave alkool në ditë rrit mundësinë e sëmurjes me kancerin e stomakut. Por, kanceri i gjoksit dhe zorrës së trashë mbetet akoma më i shpeshti që shkaktohet nga ai.

Në këto temperatura të nxehta është e rëndësishme të hidratohesh dhe nuk është i rrallë zakoni i ripërdorimit të shisheve plastike për të mbajtur ujin.

Sipas studiuesve të përthyerjet e vogla që krijohen në shishet plastike, janë një terren ku mund të ushqehen dhe rriten një gamë e gjerë mikrobesh të rrezikshme, si norovirus.

Sa më shpesh e lajmë dhe e përdorim shishen aq më të larta janë shanset që ato të shumohen dhe ne të rrezikohemi.

Një studimi i bërë nga një kanal televiziv KLTV news ne Amerikë, ka testuar se ujin e një shisheje që ishte ripërdorur për një jave, duke marrë kampione nga pjesa e grykës.

Dr.Richard wallace, nga University of Texas Health Center, pas analizave, i tha gazetarëve që uji kishte aq shumë baktere sa njerëzit mund të sëmureshin më shumë se një helmim nga ushqimi, sepse mund të shkaktonin të vjella dhe diare.

Por nëse këto shishe lahen?

Sërish rreziku është prezent. Larja me detergjent heq vetëm një pjesë të baktereve, sepse shishet janë të vështira për tu pastruar në çdo cep dhe mikrobet mund te rikrijohen sërish, por gjatë larjes sidomos në temperatura të larta, vjen dhe një rrezik i dytë, ai i shkëputjes së kimikateve nga plastika dhe shpërndarja e tyre në ujë

Është një ushqim antikancerogjen dhe përmban shumë vitamina, potasium, likopen. Përmbajtja e lartë e ujit në shalqi ndihmon në uljen e nivelit të sheqerit në gjak.

Cilësohet si një “bombë” e vërtetë me vitamina, potasium, likopen, karrotenoid dhe antioksidantë. Shalqiri është edhe një mik i vërtetë i kockave dhe një ushqim me veti të larta antikancer. Pavarësisht nëse hahet me kuba apo një fetë e tërë, konsumimi i shalqirit garanton freski duke injektuar gjithashtu edhe substanca tejet të dobishme për trupin me zero yndyrë. Ky produkt ushqimor përmban pak sheqer si dhe është një aleat në dietën e shëndetshme pasi ka përmbajtje të lartë uji, çka zvogëlon fuqinë e sheqerit në gjak, duke reduktuar atë.

Studimi

Dietologë të shumtë i kanë thurur “himn” vetive shëndetësore te shalqirit. Janë të shumta studimet e publikuara në revistën prestigjioze “New York Times” përmes të cilave janë promovuar vetitë shëndetësore të shalqirit, si produkti kryesor ushqimor për t’u konsumuar në verë. Sipas dietologëve shalqiri jo vetëm është i mirë, por bën shumë mirë për shëndetin tonë. Dietologët sqarojnë se shalqiri është një frutë i pasur me vitaminë A, C, B dhe potasium. Por vlera më e madhe e tij qëndron në përmbajtjen në nivel të lartë të likopenit, pigment që i jep ngjyrën e kuqe të thellë dhe që studime të shumta kanë treguar mbi efektin mbrojtës të sistemit kardiovaskularë, kundër goditjeve në tru dhe për rolin e tij mbrojtës kundër tumorit. Konsumimi shalqirit, ndër të tjera mund të ulë tensionin e lartë të gjakut. Një filxhan shalqi përmban 45 kalori.

Sëmundjet

Ai lufton kancerin në prostatë, tumore të ndryshme të aparatit tretës por edhe kancerin e gjirit. Shalqiri përmban shumë vitaminë C, likopenë, magnez dhe kalium. Është një nga frutat që këshillohet të konsumohet edhe nga personat që vuajnë nga hipertensioni dhe gurët në veshka. Në vendet arabike konsumohen dhe farat e shalqirit pasi ato janë shumë të pasura me acide yndyrore dhe luftojnë sëmundjet kardiovaskulare. Na japin shumë magnez dhe kripëra minerale.

Shalqiri sa më i ëmbël të jetë, ka nxehtësi më të madhe. Ai e freskon trupin dhe trurin, e shuan etjen, e rrit shpeshtësinë e urinës, e lehtëson kapsllëkun dhe i ndihmon ata që vuajnë nga pezmatimi i hemorroideve. Ngrënia e shalqirit ndihmon trupin për të nxjerrë jashtë gurin nga fshikëza e urinës dhe veshkat, ndërsa kompresa e njomur me farat e shalqirit mund të ndihmojë në eliminimin e njollave të diellit. Shalqiri shndërrohet shpejt në mjet për pastrim dhe laksativ i sekrecionit të parë që e gjen në tëmth. Ai e pastron stomakun, shpërlan fshikëzën urinare, pastron shikimin, rrit sasinë e lëngut spinal (Likuorin cerebrospinal), ndihmon në marrëdhëniet seksuale dhe e ndërprenë ftohtësinë. Për të qenë të plota dobitë e tij, shalqiri duhet konsumuar në stinën e vet, para dhe pas bukës, por nuk duhet ngrënë kur ke uri të madhe. Më i miri për t’u ngrënë është shalqiri që ka temperaturën e dhomës, por nëse hahet i ftohtë, mund të ekuilibrohet duke ngrënë bashkë me të edhe xhenxhefil, në mënyrë që të evitohet dëmi i mundshëm nga temperaturat e ulëta në stomak.

Fakte

Nuk duhet t’ju trembë ëmbëlsia e tij edhe pse janë të shumtë ata persona që nuk konsumojnë shalqi pasi mendojnë se përmban shumë sheqer. Por kjo ngatërresë e vogël, Jennifer McDaniel, zëdhënës i “Academy of Nutrition and Dietetics” bën një krahasim të thjeshtë për të shpjeguar sasinë e sheqerit që përmban shalqiri. Kështu një filxhan përmban rreth 9 gram sheqer, teksa një banane normale përmban 14-15 gram, ashtu sikurse edhe një tas boronicë. Në fund niveli glicemik, parametri që mat kapacitetin e një ushqimi për të rritur nivelin e sheqerit në gjak, te shalqiri indeksi është i lartë, por sipas dietologëve edhe kjo mund të krijojë ngatërresa, pasi është vërtetuar shkencërisht se sasia e lartë e ujit në shalqi mbyt fuqinë e sheqerit për të vepruar në trupin tonë.

Vetitë e lipokenit:

Frutat dhe perimet me ngjyre të kuqe përmbajnë likopen ose anthocyanins. Likopeni ndihmon në zvogëlimin e dëmit nga radikalet e lira në trupin tone dhe gjithashtu parandalon sëmundjet e zemrës dhe ndihmon ne uljen e rrezikut të kancerit të prostatës. Anthocyanins janë antioksidantë të fuqishëm që ndihmojnë në mbrojtjen e qelizave nga dëmtimi dhe gjithashtu zvogëlojnë dëmtimin e lëkurës nga dielli. Këto ushqime të kuqe ndihmojnë funksionin e memories, shëndetin e traktit urinar, dhe forcojnë zemrën.

Përzgjedhja:

Një shalqi femër është më e madhe dhe e ëmbël, dhe ka me pak fara. Një shalqi mashkull është më i vogël. Gjininë e tyre mund ta gjejmë duke hedhur një vështrim në anën e poshtme të shalqirit duke kërkuar një rreth që është në drejtim të kundërt të rrathëve të mëdha. Një shalqi mashkull do të ketë një rreth të vogël sa një qindarkë, ndërsa një shalqi femër do të ketë gjysmë rrethi më të madh. Kjo është e rëndësishme sepse femrat janë më të ëmbla e më me pak fara.

Farat e shalqirit:

Shumica e njerëzve i hedhin farat e shalqirit dhe bëjnë një gabim duke zgjedhë copat e tij pa fara. Këtë verë mos e bëni një gjë të tillë, shfrytëzoni ato të pjekura në dietën tuaj, pasi kanë veti të mrekullueshme për shëndetin. Janë shumë të pasura me hekur, i cili ndihmon në formimin e dy proteinave jetike në organizmin tonë të njohura si hemoglobina dhe myoglobina të cilat kanë një detyrë të pazëvendësueshme si furnizimin e çdo qelize në organizmin tonë me oksigjen. Farat e pjekura të shalqirit janë shumë të pasura me magnez pothuaj më shumë se çdo ushqim tjetër. Magnezi është një prej mineraleve më të rëndësishëm në organizëm, pasi bënë të mundur procesin e metabolizmit pa të cilin organizmi nuk funksionon dot. Magnezi po ashtu ndihmon funksionin e muskujve si dhe komunikimin e fijeve nervore. Bakri një komponent i rrallë por shumë i rëndësishëm për organizmin tonë gjendet në sasi të konsiderueshme te farat e pjekura të shalqirit. Konsumimi i ushqimeve të pasura me bakër na bënë të kemi flok të bukur, thonj dhe lëkurë të bukur. Pjekni farat e shalqirit si do vepronit me farat e tjera, por mos shtoni kripë, ruani në enë qelqi dhe përdorni nga një luge të madhe në mëngjesin tuaj.

Vitamina C

A e keni ditur se në çdo fetë të shalqirit ka rreth 23.2 mg të vitaminës C? Përfitimet e vitaminës C janë të shumta dhe mund të përfshijnë parandalimin e deficiencës imunitare, sëmundjet kardiovaskulare, sëmundjet e syve, rrudhat etj.

Fibrat

Për shkak se shalqiri është i mbushur si me fibra ashtu edhe me ujë, ai bën çudira për sistemin tonë të tretjes duke na ndihmuar që të kemi jashtëqitje të rregullt pa pengesa.

Vitamina A

Shalqiri përmban vitaminë A, e cila na ndihmon t’i mbajmë të shëndetshme lëkurën dhe flokët, mes tjerash.

Kalori

Shalqiri ka vërtet pak kalori, ai është i mbushur me ushqyes të shumtë që na ndihmojnë të jemi të shëndetshëm – duke na mbajtur të hidratuar dhe brenda një niveli të shëndetshëm të konsumit ditor të kalorive.

Aminoacid

Citrulina është aminoacid të cilin organet tona mund ta konvertojnë në arginine. Nivelet e rritura të argininës kanë qenë të lidhura me shëndetin e përmirësuar kardiovaskular dhe qarkullimin e përmirësuar të gjakut. Nivelet e larta të argininës mund të jenë në gjendje ta parandalojnë grumbullimin e tepërt të yndyrës. Arginina gjithashtu është lidhur me një funksion më të mirë të veshkave, shërim të përmirësuar të plagëve, funksion të shëndetit imunitar dhe të hormoneve, dhe madje mund të ndihmojë edhe te disfunksioni erektil.

Qershitë bëjnë të mundur uljen e kolesterolit në trup. Madje ndryshe nga shumë fruta të tjera, për përdoruesit e qershive vjen edhe një lajm i mirë nga mjekësia popullore. Pasi ata mund të hanë sasi të mëdha qershisë dhe të mos shëndoshen, përkundrazi ky frut bën të mundur rënien nga pesha si dhe kontrollon nivelin e yndyrnave në gjak.

Gjetjet shkencore e viteve të fundit kanë treguar disa veti kimike që përmban qershia si anthocyanins, melatonin, dhe kapacitetin për të absorvuar oksigjen në radikalet, që do të thotë se të mirat shëndetësore që na vijnë nga qershia janë shumë të mëdha. Qershitë janë të mira për konsum për një sere arsyesh. Ato kanë kolesterol të ulët dhe janë një burim i vitaminës C, Vitamina A, Perillyl, ellagic acid dhe melatonin.

Qershitë ndihmojnë në problemet e tretjes pasi ato kanë përmbajtje të lartë fijesh, qershia thekshëm ndihmon në dhimbjet e muskujve dhe gjithashtu ndihmon në uljen e niveleve të urateve. Ndihmon gjithashtu në lehtësimin e dhimbjes së vazhdueshme të kokës dhe rrit sasinë e ujit në trupin tuaj e cila në afat të gjatë nxit energjinë e një individi dhe shkallen e metabolizmit. Le të shikojmë se çfarë përbërje të shëndetshme ka qershia.

PËR TË RRITUR PH:
Qershia është e njohur shkencërisht për flavanoidet antioxidant Bio i gjetur në përbërjen kimike. Këto flavanoidet Bio janë të dobishme në rritjen dhe rregullimin e nivelet e pH ne trupin e një individi.

NDIHMON KUJTESËN:
Qershitë kanë qenë të njohur për ndihmesën për një memorie të mirë dhe në parandalimin e humbjes së kujtesës. Kjo është verejtur nga një komponent i gjetur në qershi i njohur si anthocyanin që është provuar të jetë e mirë për trurin.

RRIT GJUMIN:
Kjo është një tjetër veti e qershisë. Njerëzit të cilët konsumojnë qershi bëjnë një gjumë më të thellë se sa ata që nuk i hanë. Kjo është për shkak se qershia përmban një hormon të njohur si melatonin. Melatonin është i njohur për rregullimin të cikleve të gjumit në trup. Për një gjumë më të mirë, më të relaksuar dhe të kënaqshëm është e këshillueshme konsumimi e qershisë.

KUNDËR PLAKJES:
Melatonin gjithashtu vepron si një agjent kundër plakjes dhe ndihmon në ngadalësimin e procesit te plakjes. Kjo do të thotë se njerëzit që hanë qershi mund të duken më të rinj për një periudhë më të gjatë se sa ata që nuk i konsumojnë.
KUJDESI PËR LËKURËN:
Një nga përfitimet e qershive është se në sajë të meatonin është gjetur se ndihmon në dhënien e cilësisë së butë të lëkurës.

TRAJTIMI MJEKËSOR:
Trajtimi mjekësor nëpërmjet përdorimit të frutave te qershisë është një praktikë që ka filluar qe në kohët e lashta. Sot, të hahet qershi besohet se lehtëson dhimbjet për ata që vuajnë nga artriti. Gjithashtu, konsumimi i qershisë besohet se trajton të gjitha format e inflamacionit.

PARANDALON SËMUNDJET:
Një nga përfitimet e qershive është se ato përmbajnë një substancë të njohur si melatonin, e cila shkatërron organizmat që shkaktojnë sëmundje dhe kështu parandalon marrjen e sëmundjeve.

TRAJTON KANCERIN:
Nëse ju jeni një pacient i sëmurë me kancer, konsumimi i qershisë rrit shanset për shërim. Kjo është për shkak se qershitë kanë veti ushqyese që ndihmojnë në luftën kundër të gjithë mënyrave te kancerit dhe sëmundjeve të zemrës.

Në muajin maj 36 kosovarëve u ka rënë “pika në tru”. Kjo nuk është vetëm një shprehje mes qytetarësh, por një shqetësim në rritje dhe një nga shkaqet kryesore për vdekjen e pacientëve me probleme neurologjike në Kosovë.

Gjendja e rëndë socio-ekonomike, stresi e telashet tjera me dinamikën e jetës kanë bërë që në Klinikën e Neurologjisë në QKUK, 124 pacientë të përfundojnë me vdekje nga sulmi në tru, në katër muajt e kaluar të 2016-ës .

Ndërkohë që në vitin e kaluar që nga janari e deri në dhjetor rreth 332 pacientë nuk kanë mundur t’i shpëtojnë aksidentit vascular trunor siç njihet në gjuhën mjekësore, shprehja “pika në tru”.

Sipas të dhënave zyrtare nga Klinika e Neruologjisë dhënë Gazetës Fjala për vitin 2014, 308 pacient kanë vdekur nga kjo arsye.

Ndërkohë që për vitin 2013, në këtë klinikë kanë qenë të hospitalizuar 1,115 raste të pacientëve me këtë sëmundje, prej te cilëve 228 kanë përfunduar me vdekje.

Stresi shkaktar i sulmit në tru

Drejtori i Klinikës së Neurologjisë, Nexhmedin Shala, shpjegon për Gazetën Fjala se cilat janë arsyet të cilat qojnë deri të sulmi në tru.

“Problemet me sulmin në tru janë pasoja e problemeve paraprake të pacientëve që lëndojnë nga sëmundje e zemrës, sëmundjet e enëve të gjakut, sëmundjet e pezmatimit të enëve të gjakut. Sëmundjet sistemike të enëve të trupit dhe përqindja më e vogël i mbetet atyre anomalive

Sipas specialistit të Neurologjisë, stresi, veset e këqija, tensioni i lartë, yndyrat e larta, dinamika jetësore, si dhe faktorët klimatik janë ndër shkaktarët kryesor që qojnë në sulmin në tru.

Ndryshe vdekshmëria nga kjo sëmundje në Kosovë është në vendin e tretë nga shpeshtësia e shfaqjes.

Shoqata e Neurologëve të Kosovës dhe Klinika e Neurologjisë e Qendrës Klinike Universitare të Kosovës, kohë më parë kanë vënë në pah nevojën e vetëdijesimit të popullatës por edhe të personelit mjekësor për masat parandaluese të kësaj sëmundjeje dhe njëkohësisht kërkon nga autoritete shtetërore rritjen e mbështetjes për profesionistët në luftë kundër kësaj sëmundjeje.

Ndërkohë që sipas Organizatës botërore të Shëndetësisë rreth 15 për qind e pacientëve janë nën 45-vjeç.

Hemorragjia ndodh kryesisht në moshat mbi 60-vjeç. Rreth 15 për qind e pacientëve janë nën 45-vjeç. Pacientët që arrijnë të mbijetojnë dhe të përmirësohen brenda 48 orëve, kanë shanse të mira për jetesë.

Ndryshe, në Kosovë vdekshmëria nga kjo sëmundje, është në vendin e tretë, krahasuar me vendet e zhvilluara që është zhvendosur në vendin e katërt për nga vdekshmëria.

Nënat që pinë duhan gjatë shtatzënisë, rrisin rrezikun e shfaqjes së skizofrenisë tek fëmijët.

Ky është rezultati i një studim i fundit të bërë nga Universiteti i Kolumbias në SHBA, që ka zbuluar se nënat që kanë pirë duhan gjatë shtatzënisë, mund të shkaktojnë edhe këtë çrregullim në shëndetin e foshnjës.

Studiuesit kanë analizuar 1000 raste të pacientëve të prekur nga skizofrenia, duke marrë në shqyrtim të dhënat shëndetësore të nënave të tyre.

Në bazë të dhënave përqindja e nënave që kanë pirë duhan gjatë shtatzënisë dhe kanë lindur fëmijë me probleme skizofrenie ka rezultuar 20 %, krahasuar me 14.7% në atyre që nuk kanë pirë duhan.

Nikotina është e njohur për aftësinë e kalimit në placentën dhe hyrjen në gjakun e fetusit, duke shkaktuar anomali në zhvillimin e neuroneve.

Sipas studimi shenjat e nikotinës në gjakun e nënës, janë rritur me 38 %, në krahasim me vitet e kaluara.

Sipas Alan Brown, profesor në Universitetin e Kolumbias, në New York, që ka qenë dhe drejtuesit i kërkimeve, ky studim është i pari që tregon lidhjen mes ekspozimit të nikotinës në fetus dhe skizofrenisë.

Dashuria i pushton të gjithë. Thyen barriera, lëviz male, kalon oqeane dhe ndryshon gjithçka.

Nuk ka gjë që dashuria nuk mund të përballojë…përveç gërhimës e cila është shkaku i tretë në radhë për divorcin e çifteve ne SHBA dhe Britaninë e Madhe.

Sipas faqes ‘Brightside Me’, njerëzit që gërhasin, duhet të ndjekin disa këshilla për të zgjidhur problemin e tyre.

Flini anash jo me kurriz, sepse kur flini me kurriz, baza e gjuhës dhe qiellza bien në murin e fytit dhe pengon frymëmarrjen duke shkaktuar gërhimën. Nëse flini anash, fyti është i hapur dhe ekziston mundësia që të ndaloni së gërhituri.

Përpiquni të humbisni peshë, sepse nga mbipesha, mushkritë dhe qafa bllokojnë ajrin duke shkaktuar gërhimën.

Perpiquni të merrni frymë me hundë, jo me gojë kur flini.

Kujdesuni për dietën tuaj. Shmangni ngënien e mishrave dhe alkoolin para se të flini gjumë. Alkooli relakson muskujt e fytit duke bërë që të gërgisni më shumë.

Patroni shtëpinë, sepse alergjitë dhe pluhurat ndikojnë tek gërhitja.