Author

Shekulli Agency

Pesëvjeçari sirian imazhi i të cilit shokoi botën ritakohet me prindërit

nga Shekulli Agency 19 Gusht 2016

Omran Daqneesh, 5-vjeçari nga Siria fotografia e të cilit përshkroi botën dhe që u bë simbol i horronit dhe tragjedisë së luftës në Siri është ribashkuar me prindërit e tij, fati i të cilëve nuk dihej pas sulmit ajror.

Një infermiere që mjekoi 5-vjeçarin tha se Omran nuk derdhi asnjë pikë loti të vetme derisa u ritakua me prindërit e tij në spital pak momente pasi ai kishte mbërritur.

“Ai nuk thoshte gjë tjetër veçse kërkonte prindërit, madje asnjë ankesë nuk doli nga goja e tij për plagët që kishte,” tha infermierja.

“Vetëm kur pa prindërit pastaj filloi të qante. Dukej sikur ishte në gjumë, jo pa ndjenja por i traumatizuar, i humbur” tha ajo.

Doktorët në fillim u frikësuan se mos djaloshi kishte dëmtime të brendshme për shkak se nuk reagonte. Por fatmirësisht plagët e Omran ishin sipërfaqësore dhe infermieret ishin në gjendje t’i fashonin plagët.

19 Gusht 2016

Bota

Turqit në Belgjikë shprehin keqardhje për donacionet në shkollat e FETO-s

nga Shekulli Agency 19 Gusht 2016

Pas tentativës për grusht shteti në Turqi familjet turke në Belgjikë vazhdojnë t’i largojnë fëmijët e tyre nga shkollat që kanë lidhje me Organizatën Terroriste FETO

Pas tentativës për grusht shteti në Turqi familjet turke në Belgjikë vazhdojnë t’i largojnë fëmijët e tyre nga shkollat që kanë lidhje me Organizatën Terroriste FETO, ndërsa donatorët që kanë dhënë donacione në këto shkolla ndiejnë pendim të madh.

Erdal Koçak, i cili jeton në Belgjikë, shprehu keqardhjen e tij për gazetarin e AA-së. Duke rrëfyer se ndërtesa e Kolegjit Lucerna në qytetin Houthalen i cili ka lidhje me FETO-n është ndërtuar për 11 milionë euro, Koçak tha se “Prej këtyre, tetë milionë janë siguruar nga shteti, ndërsa tre milionë i kemi donuar ne. I kanë donuar të gjithë qytetarët që i kanë besuar atyre. Fatkeqësisht, këto ndihma që i kemi bërë na u paguan me grusht shteti dhe me tradhti”.

Ai u shpreh se pas daljes në shesh të qëllimit të vërtetë të shkollës, familjet turke kanë marrë vendim që të mos i dërgojnë fëmijët e tyre në Kolegjin Lucerna.

Koçak theksoi po ashtu se punonjësit e shkollës në vend se të ofrojnë arsim i kanë udhëzuar turqit se cilës parti t’ia japin votën. Ai tregoi se para zgjedhjeve lokale të 30 marsit të vitit 2014 familjet turke në Belgjikë ishin ftuar në mbledhje nga pjesëtarët e FETO-s.

“U thirrëm në mbledhje 15-20 ditë para zgjedhjeve bashkiake. Në këtë mbledhje u përdorën ca shprehje. Zaten, rrugët tonë u ndanë aty e tutje. Në fund të kësaj mbledhje u kërkua që vota t’i jepet partisë që është më kundër AK Partisë. Ai që e tha këtë ishte drejtor në këtë shkollë (Kolegjin Lucerna)”, tha Koçak.

Ai më tej potencoi se çdo kush e di se cila është “partia më kundër AK Partisë” në qytetet juglindore. “Këta persona kërkuan që votën t’ia japim një partie që përkrahë PKK-në. Pas kësaj, rrugët tona u ndanë”, potencon Koçak.

“Mbështetjet na u paguan me tradhti”

Ndërkaq, Ender Yazici, një donator tjetër, u shpreh se kanë dhënë mbështjetje të madhe për ndërtimin e shkollës. “Vetëm se tani na ka thyer zemrat fakti që kjo mbështetje na u pagua me tradhti. Do të doja të mblidheshim dhe këtyre personave t’ua thonim gabimin që e kanë bërë, t’i paralajmëronim e t’i kthenim nga rruga e gabuar, si dhe sërish t’i dilnim zot shkollës”, tha Yazici.

Fushata shpifëse e FETO-s në Belgjikë

Nga ana tjetër, drejtuesi i Kolegjeve Lucerna që kanë lidhje me FETO-n, në zonën flamane të Belgjikës, Ozkan Çetin, në deklaratën që dha për disa gazeta ka pretenduar se është hapur fushatë kundër tyre.

Ndërkaq, drejtori i Kolegjit Lucerna në zonën Anderlecht të Brukselit, Fevzi Yildirim, i ka shënjestruar disa shoqata që kanë shfaqur afërsinë e tyre me presidentin Recep Tayyip Erdoğan.

“Dhjetëra fëmijë janë larguar nga shkolla

Disa gazeta që bëjnë publikime në zonën flamane kanë pretenduar se familjet turke janë telefonuar dhe u janë dërguar e-maile për t’i larguar fëmijët e tyre nga këto shkolla, mirëpo gazetat nuk kanë ofruar asnjë dokument në këtë drejtim.

Me këso lloj lajmesh, FETO po përpiqet që të ushtrojë presion ndaj familjeve që i kanë larguar fëmijët nga këto shkolla dhe ta parandalojë mbylljen e tyre nga mungesa e nxënësve.

Ndërkaq familjet, edhe krahas presioneve, po vazhdojnë t’i largojnë fëmijët nga shkollat që kanë lidhje me organizatën. Mediat e Belgjikës ka shkruar se dhjetëra fëmijë janë tërhequr nga këto shkolla.

Në Belgjikë ndodhen 12 shkolla që kanë lidhje me organizatën terroriste FETO. Krahas Kolegjeve Lucerna në pjesën flamane të vendit, aktivitete zhvillojnë edhe shkollat Ecole des Etoiles në pjesën frankofone të vendit dhe në Bruksel.

19 Gusht 2016

Politikë

Përpjekja e medias perëndimore për të menaxhuar perceptimin në favor të Gulenit

nga Shekulli Agency 19 Gusht 2016

Sipas një studimi, shtypi dhe media perëndimore përpiqen të menaxhojnë një perceptim në favor të kreut të FETO-s (Organizata Terroriste Guleniste), Fethullah Gulen.

Një hulumtim i Drejtorisë së Përgjithshme për Median dhe Informimin në lidhje me cilësimet dhe epitetet që përdoren në shtypin e huaj për kreun e FETO-s (Organizata Terroriste Guleniste), Fethullah Gulen, tregon që në veçanti në Perëndim dhe në Shtetet e Bashkuara të Amerikës vazhdojnë të bëhen përpjekje për menaxhimin e perceptimit në favor të Gulenin përmes shprehjeve “të padjallëzuara”.

Në kuadër të analizës hulumtuese të lajmeve me titull “Lideri i FETO-s në shtypin e huaj”, në lidhje me shprehjet që përdoren në median perëndimore për Gulenin, duke filluar që nga “mërgimi i vullnetshëm” e deri tek “gjuha e ëmbël” e tij, ndërmjet datave 1 maj – 9 gusht 2016 janë skanuar 126 gazeta dhe revista të huaja, 21 kanale televizive dhe 15 agjenci ndërkombëtare, janë analizuar 2 mijë e 726 lajme e shkrime të ndryshme.

Në shtypin amerikan për kreun terrorist Fethullah Gulen përdoren shprehje jo-djallëzore, si: “predikues në pension”, “imami në mërgim vullnetar”, “gojëmbël”, “personalitet i njohur”, “i sëmuri 77-vjeçar dhe imami i moshuar”, “kleriku eremit”, “kleriku misterioz”, “kundërshtar me influencë”, “ish-aleati i Erdoanit”. Një qëndrim i tillë i shtypit amerikan perceptohet si hipokrizi nga populli turk dhe Turqia, të cilën autoritetet amerikane e cilësojnë me çdo rast si një vend aleat dhe mik.

Sipas hulumtimit tonë shtypi gjerman për kreun terrorist, Fethullah Gulen preferon të përdorë këto lloj emërtimesh: “imami në mërgim vullnetar”, “predikuesi i moderuar”, “armiku rival/ish-aleati i Erdoanit”, “plaku i sëmurë që jeton në malet e Pensilvanisë”, “xhemati me ndikim në Afrikë”, “gjarpri helmues”. Shtypi gjerman i referohet shpesh shprehjes “pseudo” për të mos e treguar FETO-n si një organizatë terroriste.

Kurse shtypi francez ka përdorur epitetet “aleati i vjetër”, “predikuesi në mërgim”, “lideri shpirtëror”, “i sëmuri 75-vjeçar dhe njeriu i lodhur”. Kurse emërtimet e autoriteteve turke për FETO-n shtypi francez preferon ti vendosë në thonjëza dhe një qëndrim i tillë vlerësohet si mungesë e shembullit të solidaritetit me Turqinë në luftën kundër terrorit.

Ndërsa në shtypin britanik për kreun e FETO-s, Fethullah Gulen, preferohen këto epitete: “kleriku karizmatik”, “lideri fetar 77-vjeçar”, “kleriku eremit”, “imami që jep mesazhe për dialog ndërfetar”, ndërkohë që dallohet se shprehjet “organizatë terroriste dhe strukturë paralele” mbahen në nivelin e pretendimeve.

– Çfarë epitetesh ka përdorur shtypi botëror për Gulenin?

Ndërkohë që në shtypin e Lindjes së Mesme për Gulenin zënë vend cilësime të tilla, si: “kleriku që jeton në Amerikë”, “intelektuali”, “një nga emrat e njohur të Afrikës”, në shtypin iranian dallojmë emërtimet “opozitari i ashpër i Republikës Islamike të Iranit”, “kleriku në mërgim”, personi që akuzohet për organizimin e tentativës së grushtit të shtetit”. Kurse për ushtarakët, anëtarë të organizatës FETO, shtypi iranian përdor shprehjen: “ushtarakët rebelë pjesëtarë të organizatës terroriste Fethullah Gulen”.

Në shtypin kinez kreu i FETO-s përmendet me epitetet “imami turk i amerikanizuar”, “personaliteti fetar”, “opozitari në mërgim”, ndërsa shtypi izraelit në lajmet që ka publikuar në lidhje me FETO-n ka përdorur shprehjet: “islamiku radikal”, “organizata terroriste ilegale”, “kleriku sunit nga Turqia”, “predikuesi mysliman në mërgim”.

Shtypi japonez për Gulenin thotë se ai është: “një predikues i fesë islame”, “hoxhë Guleni”, kurse shtypi italian ka përdorur epitetet: “imami sunit”, “i biri i një imami”, “perandoria Gulen”; shtypi holandez “një imam me ndikim që ka në pronësi të tij biznese ndërkombëtare, institucione arsimore, banka”. Në lajmet që janë publikuar në gjuhën kurde Guleni përmendet si: “Predikuesi i Islamit”, “fuqia e vetme që do të përmbysë pushtetin e Erdoanit”, “anti-kurd”, “Lideri i Organizatës Paralele”.

Në shtypin rus kreu i FETO-s, Fethullah Gulen zë vend si “kleriku misterioz”, “pronari i zinxhirit të shkollave islamike në vendet turqishfolëse”, “perandoria e Gulenit”, “rivali i pamëshirshëm i Presidentit Erdoan”; shtypi grek e cilëson Gulenin si “njeriu që luan rol përcaktues në formimin politiko-shpirtëror të liderit turk”, “njeriu që me qëndrimin pro-evropian bashkoi parimet e islamit konservator”; shtypi arabosaudit e quan Gulenin “liderin e organizatës terroriste”, “lideri fetar në mërgim i akuzuar për organizimin e puçit”; shtypi egjiptian e përmend Gulenin si: “kleriku turk”, “i akuzuari kryesor i tentativës së puçit ushtarak”, “mendimtari islam”; shtypi grekoqipriot shkruan për Gulenin si “babai i lëvizjes ‘hizmet’ (shërbimi) që i ka kapërcyer me kohë kufijtë”; shtypi suedez për Gulenin përdor këto emërtime: “predikuesi me seli në ShBA”, “lideri mysliman”, “predikuesi islam në mërgim”.

– Përpjekjet për të gjetur emërtime ‘të moderuara’ për Fethullah Gulenin

Një nga përfundimet e hulumtimit tonë është se një ndikim të madh tek qëndrimi i medias perëndimore kundër Turqisë ka pasur edhe aktiviteti lobues që organizata FETO ka realizuar vitet e fundit me paratë e grumbulluara duke abuzuar me ndjenjat bamirëse dhe filantropinë e popullit turk në petkun e zekatit, sadakasë dhe kurbanit. Disa nga provat më konkrete të këtij aktiviteti lobues janë marrëdhëniet e ngushta që pjesëtarët e kësaj organizate kanë krijuar me shumë organe mediatike perëndimore, mbështetja financiare që u është bërë politikanëve të ndryshëm të huaj për të përgatitur raporte kundër Turqisë.

Një qëndrim i tillë nuk është diçka e habitshme për popullin turk, po të mendojmë retorikat që ka përdorur më herët media perëndimore në lajmet e saj në lidhje me PKK dhe PYD. Media perëndimore, e cila për PKK dhe PYD përdor emërtime të tilla si “guerilë”, “militantët kurdë”, vazhdon ende përpjekjen e saj për të gjetur emërtime e cilësime ‘të moderuara’ për Fethullah Gulenin, kreun e FETO-s, e cila tentoi edhe një herë për të kryer një sërë aktivitetesh të jashtëligjshme kundër Turqisë duke shkaktuar qindra të vdekur dhe mijëra të plagosur.

Zv/Drejtori i Përgjithshëm Ekrem Okutan në lidhje me hulumtimin në fjalë i dha një intervistë gazetarit të agjencisë AA. Hulumtimi në fjalë tregon qartë se lajmet që kanë qarkulluar në median ndërkombëtare na shpalosin para syve se nuk i shërben në të vërtetë FETO, dhe kur bëhet fjalë për demokracinë në Turqi media ndërkombëtare ka mbetur në klasë,- u shpreh Okutan.

/trtshqip/

19 Gusht 2016

Kulturë

Kompleksi i të huajit

nga Shekulli Agency 19 Gusht 2016

Dita e Xhuma është një nga ditët e bekuara të javës që për besimtarët musliman ka një rëndësi të madhe. Sa është një adhurim ajo ka anën e saj të ndërveprimit social, të mbledhjes dhe takimit të besimtarëve me një vend. Pse ka një rëndësi të madhe e dëshmon edhe ajo që ky rit fetar nuk kryhet vet.

Por ky adhurim shëron edhe komplekse të ndryshme të njerëzve. Një ndër komplekset e ngritura me pavetëdijen e shumë njerëzve, që e shkatërron namazi e xhumasë është edhe kompleksi i të huajit. Kompleks që na bënë të mendojmë se e huaja është më e mirë se ajo që vet e kemi ngritur, kompleks që zgjidhja e halleve është tek të tjerët, kompleks që mendojmë se të huajt na kanë faj për dështimet tona.

Ajo që dua të dal nga përmendja e këtyre veçorive si të ditës së xhuma dhe kompleksit të huaj është se ne si njerëz të besimit Islam, shpeshherë po goditemi nga ky ves që asnjëherë nuk duhet të ndodh, duke pasur model Profetin Muhamedi paqja dhe bekimet e Zotit qofshin mbi të.

Problemet e ndryshme globale si çështjet e terrorizmit ku Islami akuzohet se po prodhon dhunë e terror, nuk reshtën asnjëherë besimtarët nga mbrojtja e Islamit thua ti se nime këta të huajt paskan gjetur diçka në Islam! E si ta mbrojmë Islamin? Do të ishte mirë dikush nga pala e jobesimtarëve të thoshte fjalë që: “Islami nuk është terrorizëm” e ne ta bëjmë virale anekënd.

Ta dimë një gjë, se për Islamin ka organe kompetente që flasin dhe njerëz të tillë gjithashtu. Historia e Islamit është e mbushur me shembuj të plotë se si ka ndikuar në botë për shekuj për të qenë stabilitet për botë. Dhe është edhe tani, nëse kuptohet drejt e veprohet me të në përputhje me mësimet e Kuranit fisnik dhe mësimet e profetit Muhamed alejhi selam.

Ndërsa në rrafshin tonë lokale e kombëtare gëzohemi kur dikush nga elita e huaj flet mirë për Islamin, ndërsa në mesin e besimtarëve praktikantë ka me qindra njerëz të formuar profesionalisht, të shëndosh në qëndrime, të pastër në moral dhe rob të sinqertë të Zotit. E kam vërejtjen më të madhe këtu, për të thënë se ngritja dhe dhënia hapësirë e këtyre njerëzve është më e shëndosh dhe miliona herë më e mençur se sa ngritja e dikujt që nuk ka parime e nuk është rob i Zotit. Ngritja bëhet duke ia bërë muhabetin edhe duke e sharë që ua bëjmë të tjerëve. Edhe reklama e keqe është reklamë thotë një frazë.

Në këtë shkrim që nuk mëtojë të kem thënë diçka që nuk e dini, por sot në këtë ditë të bekuar bëjë thirrje që njerëzit që i takoni në Xhami ata që i njihni e nuk i njihni ti përqafoni e tu tregoni se i doni dhe se ata janë më të rëndësishëm se çdo kush tjetër. Po ashtu ju ftojë të shëroni kompleksin e të huajit. Ata që keni ngritur vetë, mundohuni ti përsosni dhe bashkohuni me të tjerët për ti dhënë vlerë.

U urojë ditë të Xhumasë të bekuar, shpresojë që lutjet tuaja të pranohen. Mos e harroni këtë rob të Zotit dhe plotë njerëz të botës që të luteni për ta. E ne fund të gjithëve i Madhi Zot na shëroftë nga komplekset!

Nexhmedin Kalisi

19 Gusht 2016

Opinion/Analiza

Përse trembet Perëndimi nga afrimi i Turqisë me Rusinë?

nga Shekulli Agency 19 Gusht 2016

Ndaj afrimit të Turqisë me Rusinë dhe vendet e tjera të treta Perëndimi reagon me xhelozi orientale dhe mentalitet perëndimor dhe vazhdon ta lërë atë në vetmi përballë kërcënimeve terroriste.

Nga Erdal Şimşek

Dihet nga të gjithë që një nga qëllimet kryesore të Kombeve të Bashkuara është të zhvillojë dialogun ndërmjet vendeve anëtare. Pasi kjo është e shprehur qartë edhe në kartën e themelimit të OKB-së.

Kur marrëdhëniet ndërshtetërore në botë rregullohen dhe zhvillohen, në fytyrën e elitës drejtuese të shteteve të tjera shfaqet natyrshëm një buzëqeshje. Vetëm se kur një gjë e tillë ndodh në relacionin Ankara-Moskë, pra kur bëhet fjalë për forcimin dhe zhvillimin e marrëdhënieve të fqinjësisë ndërmjet Turqisë dhe Rusisë, ato fytyra që duhet të buzëqeshin nga kjo, varin menjëherë turinjtë.

Të gjithë aleatët perëndimorë të Turqisë, në veçanti fqinjët perëndimorë të saj, i varin vazhdimisht turinjtë sa herë që Turqia i është afruar Rusisë në periudhën e pas Luftës së Parë Botërore.

Me të njëjtin refleks ishte pritur në Perëndim edhe afrimi i Mustafa Qemalit (Ataturkut) me Rusinë dhe zhvillimi i marrëdhënieve të Turqisë me republikat sovjetike dhe ato ruse e turke që lindën më pas. Një afrim i tillë jo vetëm që nuk është pritur me tone të mira, por është penguar realizimi i një diçkaje të tillë.

I njëjti refleks vazhdoi edhe pas krijimit të pakteve të Varshavës dhe NATO-s. Shteti i Republikës së Turqisë çdo tentativë, që ka bërë pas presidentit themelues Mustafa Qemal Ataturkut në drejtim të afrimit me Rusinë Sovjetike, e ka paguar vazhdimisht me kosto politike dhe ekonomike.

Afrimi i parë serioz ndodhi në periudhën e Kryeministrit të kohës Andan Mendres, aty nga fundi i viteve 1950, dhe Turqia këtë afrim reciprok e pagoi shumë shtrenjtë. Ky afrim shkaktoi dënimin me vdekje (varjen) e një prej 3 politikanëve më të rëndësishëm të vendit në dekadat e fundit. Kryeministri, ministri i Punëve të Jashtme dhe ministri i Financave ishin ‘dashi i kurbanit’ të këtij afrimiteti. Pas anëtarësimit të Turqisë në paktin e NATO-s, ushtria turke u angazhua plotësisht në këtë institucion. Por ushtria nuk e kishte ‘përtypur’ dot afrimin e vullnetit civil (politikës) me Bashkimin Sovjetik dhe kishte bërë grusht shteti dhe më pas kishte çuar në litar (duke e dënuar me varje) Kryeministrin, ministrin e Jashtëm dhe të Financave.

Edhe në rastin e një afrimi tjetër me Rusinë, ushtarakët (gjeneralët) turq, pjesë këta e një ushtrie anëtare e NATO-s, i kishin dhënë qeverisë memorandum me pretekste të ndryshme dhe e kishin rrëzuar atë.

Bashkimi i Sovjetik u shpërbë. Pakti i Varshavës u shpërnda dhe Rusia tanimë nuk përbënte një kërcënim ushtarak, por për arsye të pakuptueshme miqtë perëndimorë të Turqisë e kanë pritur gjithmonë ftohtë afrimin turko-rus.

Bashkimi Evropian edhe pse vazhdon ta lërë Turqinë të presë para derës së saj për rreth gjysmëshekulli nuk është aspak i kënaqur nga marrëdhëniet që Turqia përpiqet të ndërtojë me vendet e treta. Dhe reagimet që vijnë në këtë drejtim janë shumë interesante, pasi ky reagim është tipik i një xhelozie orientale, ndërkohë që mentaliteti mbetet perëndimor.

Për shkak të luftës civile në Siri, që nga viti 2010 e këtej Turqia përballet me rrezikun e shumë organizatave terroriste ndërkombëtare, kryesisht me rrezikun e PKK-së. Dhe Turqia është një ndër vendet që përballet e preket direkt me dëmet e këtij rreziku. Turqia në një farë mënyre është lënë në vetmi nga aleatët e saj perëndimorë gjatë sulmeve terroriste, sidomos ndaj sulmeve që kanë kryer kundër saj organizatat terroriste që kontrollohen nga shërbimi sekret sirian.

Ndërkohë që Turqia përballet me rrezikun e raketave S 300 dhe S 400 që zotëron diktatori i çmendur i Sirisë Beshar Esad nga njëra anë dhe të raketave me rreze të gjatë veprimi dhe të sofistikuara që gjenden në duart e organizatave terroriste, si: DAESH, Al-Kaide dhe derivateve të tyre nga ana tjetër, vendet perëndimore tërhoqën nga Turqia sistemet e mbrojtjes kundërajrore (raketore) që kishin sjellë dhe instaluar në Turqi. Në fillim bateritë e raketave i tërhoqi Amerika dhe më pas këtë e bëri edhe Gjermania. Pra Perëndimi e la edhe njëherë tjetër vetëm Turqinë përballë rrezikut të terrorit.

Pa kaluar shumë ditë nga lënia në vetmi e Turqisë nga miqtë e saj perëndimorë në përpjekjen e saj antiterroriste, në territorin e Turqisë ranë 15 deri në 20 raketa dhe predha. Për të kompensuar këtë situatë të vështirë të lënies kaq shumë në vetmi Turqia filloi të kërkojë rrugë të reja afrimi me fqinjët dhe forma të tjera bashkëpunimi në fushën e mbrojtjes me vende të treta që nuk janë anëtare të NATO-s, por që kanë një industri të zhvilluar mbrojtjeje. Por disa vende, kryesisht Shtetet e Bashkuara të Amerikës, gjermania si dhe miqtë tanë të tjerë perëndimorë e shprehën në mënyrë të padrejtë kundërshtimin e tyre dhe nisën ta kritikojnë me një gjuhë kërcënuese një afrim të tillë të Turqisë. Sidomos në lidhje me blerjen e raketave dhe transferimin e teknologjisë nga Kina Perëndimorët ia kthyen shpinën Turqisë me kuptimin e potë fjalës.

Dhe kur Turqia vazhdoi të këmbëngulte në këtë çështje, organizata terroriste PKK, e cila për një kohë të gjatë kishte rënë në gjumë, filloi të vrasë sërish në një mënyrë të çuditshme civilët, policët dhe ushtarët turq.

Pastaj u bënë prova për kryengritje të brendshme dhe së fundmi një grup oficerësh pjesëtarë të organizatës së Fethullah Gulenit, e cila është një organizatë terroriste ndërkombëtare, tentuan të bëjnë grusht shteti.

Lideri i Turqisë, Rexhep Tajip Erdoan (Recep Tayyip Erdoğan) dhe populli turk natën e 15 korrikut rezistuan kundër puçistëve dhe dolën fitimtarë. Turqia, ndërsa nga njëra anë përpiqet të spastrojë aparatin shtetëror nga anëtarët e organizatës terroriste guleniste, e cila si shembull organizimi ka marrë Al-Kaedën, nga ana tjetër ka nxjerrë sërish në rrugë të drejtë marrëdhëniet e saj me Rusinë, të cilat që prej një viti kishin qenë në krizë.

Pas neutralizimit të puçit në Turqi, më 9 gusht Erdoan u takua në Shën Petërburg, kryeqytetin e perandorisë së Rusisë, me liderin rus Putin dhe në këtë takim u vendos për rritjen e vëllimit tregtar vjetor nga 35 miliardë dollarë që është tani, në nivelin e 100 miliardë dollarëve.

Por nuk u mjaftua vetëm me kaq, në këtë takim u mor vendim edhe për realizimin e projekteve të mëdha, siç janë centrali bërthamor (që do të ndërtojnë rusët në Turqi) dhe projekti për ndërtimin e gazsjellësit që do të transferojë në mënyrë të sigurt gazin rus në tregjet evropiane.

Vetëm se Erdoani nuk u mjaftua as me këtë, ai kërkoi vënien sa më shpejt në jetë të rrugëve të bashkëpunimit strategjik me vendin fqinj, Rusinë, në çështjet që kanë të bëjnë me terrorin dhe sigurinë. Edhe lideri rus e pranoi menjëherë këtë dëshirë të Turqisë, sikur të kishte kohë e priste një gjë të tillë.

Pavarësisht shpresave serioze që lindën në takimin Erdoan-Putin, sidomos ato për paqen e brendshme në Siri, bota Perëndimore në përgjithësi dhe vendet anëtare të BE-së në veçanti, në vend që të gëzoheshin për këtë, shumica e tyre i paraqitën menjëherë rezervat. Në një kohë që Evropa dhe Perëndimi janë të kërcënuara nga terrori, të paktën po aq sa Turqia me Rusinë. Dhe ky kërcënim nuk mund të sqarohet pa u vendosur paqja në Siri. Tashmë të gjithë e dinë që burimi i terrorit që kërcënon sot botën është kaosi në Siri.

Afrimi dhe takimi i dyshes Turqi-Rusi në një politikë të përbashkët për Sirinë, pa dyshim që do ti dobësonte shumë kërcënimet mbi botën tonë të organizatave terroriste të armatosura, kryesisht të DAESH dhe PYD. Pas dobësimit të kërcënimit terrorist Evropa do të ketë mundësi të furnizohet me një energji më të lirë. Dhe kjo do të ketë një kontribut të madh në buxhetin e shteteve të Evropës, duke filluar që nga konsumatorët evropianë.

19 Gusht 2016

Reflektim

TIKA: Para fillimit të punimeve, në klasa nuk ekzistonte portreti i Skënderbeut

nga Shekulli Agency 18 Gusht 2016

“Në këto orë është vendosur stema e institucionit tonë e cila përfshinë edhe hënën dhe yllin, pjesë të cilat përfshihen edhe në flamurin e Turqisë”, thuhet në reagimin e TIKA-s

Në lidhje me pretendimet në disa media vendase se Agjencia Turke për Zhvillim dhe Koordinim (TIKA) gjatë rikonstruktimit të shkollës fillore “Elena Gjika” në Prishtinë ka hequr fotografinë e Skënderbeut dhe në vend të saj ka vendosur flamujt turk, ka reaguar edhe agjencia në fjalë duke dënuar ashpër dhe duke denoncuar lajme të tilla si të pabazuara dhe qëllim keqe që nuk përputhen assesi me parimet e gazetarisë dhe vlerat morale.

Nga TIKA theksojnë se duke u bazuar në kërkesën e drejtuar nga kjo shkollë fillore, me anë të agjencisë TIKA është realizuar rikonstruktimi dhe furnizimi me mobilje të disa nga klasave. Poashtu theksohet se këto punime të renovimit dhe inventarizimit të gjerë janë kryer nga kompanitë kosovare dhe nga punëtorë shqiptarë në Kosovë.

“Në përfundim të këtyre punimeve në vend se të vendosen tabela me mbishkrime ku përshkruhet se renovimi dhe inventarizimi i këtyre klasave janë bërë falë donacionit të Agjencisë sonë, ne vlerësuam që do të ishte më e përshtatshme vendosja e orëve me mbishkrim e cila do të kishte edhe funksionalitet, por edhe dobi për nxënësit dhe mësimdhënësit. Në këto orë është vendosur stema e institucionit tonë e cila përfshinë edhe hënën dhe yllin, pjesë të cilat përfshihen edhe në flamurin e Turqisë”, thuhet në reagimin e TIKA-s, si dhe theksohet se para fillimit të punimeve në këto klasa as që ekzistonte portreti i Skënderbeut.

Në vijim thuhet se “iniciativat e këtij lloji nuk i konsiderojnë vetëm si një fushatë manipuluese të iniciuar kundër institucionit TIKA, e cila ka realizuar qindra projekte në fusha të ndryshme si në arsim, bujqësi, shëndetësi, mbrojtjen e trashëgimisë kulturore duke përfshirë këtu edhe investimet në Shkollën e Mesme të Lartë në Drenas, e cila pikërisht e mban emrin e Skënderbeut dhe në shumë shkolla ku në klasat e tyre ekziston portreti i Skënderbeut, por edhe si një iniciativë mashtruese ndaj popullit të Kosovës të kryer me papërgjegjësi dhe mosrespekt. Iniciativat e këtilla qëllimkëqija keqe assesi nuk do të kenë efekt negativ për marrëdhëniet tona me popullin dhe shtetin e Kosovës”.

18 Gusht 2016

Reflektim

Globoder: TIKA nuk ka hequr fotografinë e Skënderbeut

nga Shekulli Agency 18 Gusht 2016

Me qëllim jo të keq në klasat ku ka përfunduar rikonstruktimi është vendosur orë që mban emblemën e agjencisë TIKA, e cila ishte mungesë e klasave, por jo në vend të fotografisë së Skënderbeut

Zëvendësdrejtoresha e shkollës fillore “Elena Gjika” në Prishtinë, Agnesa Globoder, në një prononcim për Anadolu Agency (AA) shpjegoi se pretendimet që në shkollën e tyre janë hequr fotografitë e Skënderbeut dhe janë vendosur flamujt turk, nuk janë të vërteta. Ajo bëri të ditur se Agjencia Turke për Bashkëpunim dhe Koordinim (TIKA) ka rikonstruktuar 9 klasa në këtë shkollë, e cila është një shkollë e vjetër dhe se klasat pas rikonstruktimit duken shumë më bukur.

“Shkolla është duke u lyer dhe duke u pastruar ende, tani kanë filluar përgatitjet për vitin e ri shkollor. Kur të përfundojnë këto punime të gjithë fotografitë, përfshirë edhe ajo e Skënderbeut do të kthehen në vendet e tyre. TIKA ka rikonstruktuar pesë klasa në gjuhën shqipe dhe katër në gjuhën turke. Ndryshe, fotografia e Skënderbeut nuk ka qenë e vendosur nëpër klasa por në sallën e arsimtarëve”, u shpreh Globoder.

Globoder në vijim theksoi se pas gjithë këtyre punëve dhe angazhimeve, nuk duhej të përhapeshin thënie të tilla. Siç tha ajo, me qëllim jo të keq në klasat ku ka përfunduar rikonstruktimi është vendosur orë që mban emblemën e agjencisë TIKA, e cila ishte mungesë e klasave, por jo në vend të fotografisë së Skënderbeut.

Sa i përket heqjes së fotografisë së Skënderbeut siç thuhet në disa media vendase, Globoder u shpreh se gjatë gjithë renovimeve apo pastrimeve që bëhen, objektet që ndodhen nëpër mure hiqen. Ajo shtoi se kjo është një gjë normale e që nuk ka të bëjë me agjencinë në fjalë, dhe se nuk ka ndonjë zhvendosje që në vend të fotografisë së Skënderbeut do të vendosej flamuri turk.

Zëvendësdrejtoresha e shkollës fillore “Elena Gjika” bëri të ditur se secila organizatë apo kompani që ka bërë punime rikonstruktimi apo ka kontribuar për objektin shkollor kanë vendosur emblemat e tyre.

18 Gusht 2016

Sport

Celtiku luan ndeshje kundër ekipit nga Izraeli, mbushet stadiumi me flamuj të Palestinës

nga Shekulli Agency 18 Gusht 2016

Në ndeshjen e mbrëmshme të Ligës së Kampionëve ndërmjet Celtikut dhe Hapoel Beer Sheva, tifozët e Celtikut kishin përgaditur disa koroegrafi në mbështetje të shtetit Palestinez. Ata kanë stërmbushur stadiumin me flamuj të Palestinës.

Ky aksion kishte përfshirë 1200 persona dhe ishte organizuar nëpërmjet facebook-ut me moton “Fly the flag for Palestine, for Celtic, for Justice” (Valëvite flamurin për Palestinën, për Celticun, për drejtësinë).

Pas këtij gjesit UEFA mund të vendos të dënoj ekipin e Celtikut.

Ndryshe ndeshja përfundoj me rezultatin 5-2 për Celtikun.

/SHENJA/

18 Gusht 2016

Bota

“Asnjë organizatë terroriste nuk mund ta marrë peng këtë popull”

nga Shekulli Agency 18 Gusht 2016

“FETÖ e cila nuk arriti të përfundojë me sukses tentativën për grusht shteti më 15 korrik, tashmë të gjithë forcën dhe synimet e saj të përfunduara ia ka ngarkuar organizatave të tjera terroriste”

Kryeministri i Turqisë, Binali Yıldırım, ka vizituar drejtorinë e policisë në Elazığ, e cila ishte shënjestër e një sulmi me bombë ditën e sotme.

Në një prononcim për gazetarët pasi vizitoi vendin ku shpërtheu bomba, Kryeministri Yıldırım është shprehur: “Sot në mëngjes rreth orës 09:00 si pasojë e shpërthimit të një automjeti të mbushur me eksploziv përballë komisariatit të policisë në momentin e parë 3 efektivë ranë dëshmorë dhe 217 të tjerë mbetën të plagosur. Sipas informacioneve të fundit 72 të plagosur kanë dalë nga spitali, ndërsa mjekimi për 145 të tjerë është duke vazhduar në 5 spitale. 85 nga të plagosurit janë efektivë policie, ndërsa 60 të tjerët janë civilë. Mes të plagosurve 20 janë në gjendje të rëndë, ndërkohë 14 prej tyre janë më rëndë.”

Duke theksuar se organizatat terroriste janë bërë të gjitha një dhe bashkëpunojnë me njëra-tjetrën, Yıldırım ka shtuar: ”FETÖ e cila nuk arriti të përfundojë me sukses tentativën për grusht shteti më 15 korrik, tashmë të gjithë forcën dhe synimet e saj të përfunduara ia ka ngarkuar organizatave të tjera terroriste.”

Kryeministri Yılıdırım gjatë fjalës së tij gjithashtu tha: “Dua të them nga këtu në vendngjarje që i jemi vënë njëherë kësaj rruge. Asnjë organizatë terroriste nuk mund të bëjë mundje dore me Turqinë. Këtë popull asnjë organizatë terroriste nuk ka për ta marrë peng.”

18 Gusht 2016

Ballkani

“Maqedonia e ka për borxh lojaliteti që të luftojë kundër FETO-s”

nga Shekulli Agency 18 Gusht 2016

Sekretari shtetëror në Ministrinë e Kulturës, Behixhudin Shehabi, në lidhje me tentativën e pasuksesshme për grusht shteti nga organizata terroriste FETO, tha se “Jam dëshmitar se Turqia është një shtet që Maqedonisë ia zgjat dorën e miqësisë pa kushte. Kjo mori një dimension dhe formë tjetër në mënyrë të shpejtë veçanërisht me qeverinë e AK Partisë. Duke qenë kështu, Maqedonia e ka për borxh lojaliteti që të luftojë kundër FETO-s”.

Në vlerësimin për gazetarin e AA-së, Shehabi tha se duke u bazuar në pranimin e fajit nga personat e arrestuar, është e qartë se pas tentativës për grusht shteti më 15 korrik në Turqi qëndron FETO.

Duke theksuar kolegjet që kanë lidhje me FETO-n zhvillojnë aktivitet edhe në Maqedoni, Shehabi tha se edhe këto institucione arsimore janë prodhim i kësaj mendësie dhe se fusha në të cilën FETO është aktive është fusha e arsimit. Në lidhje me masat që duhen marrë nga ana e qeverisë së Maqedonisë, Shehabi u shpreh se “Dihet se këto kolegje funksionojnë sipas ligjeve aktuale të Maqedonisë, megjithatë, Maqedonia duhet t’i shqyrtojë aktivitetet e këtyre kolegjeve duke u bazuar në të dhënat që do t’i marrë nga vendi mik, Republika e Turqisë. Inspektorët financiarë dhe arsimorë, që punojnë në kuadër të autoriteteve zyrtare të Republikës së Maqedonisë, duhet t’ia fillojnë detyrës. Posaçërisht, për t’i analizuar fushat e aktivitetit të këtyre kolegjeve, duhet filluar me punën për të parë nëse këto ligje shpërfillen apo keqpërdoren.”

Shehabi theksoi se Maqedonia ndjek nga afër gjendjen e cila mbizotëron në Turqi. Ai beson që hapat, masat dhe punimet e mëtutjeshme të Maqedonisë në këtë drejtim do të zbatohen së shpejti.

“Sa i përket daljes në dritë të të vërtetave dhe marrjes së masave të nevojshme, edhe mbi ne bie një detyrë e madhe për vazhdimësinë dhe integritetin e palëkundshëm të Republikës së Turqisë dhe për mbrojtjen e demokracisë”, deklaroi Shehabi, duke tërhequr vëmendjen drejt rëndësisë së pranimit dhe analizimit me kujdes të madh të të dhënave që do të sigurohen nga autoritetet zyrtare të Republikës së Turqisë dhe marrjes së masave të nevojshme. Sipas tij, në shenjë kundërshtimi ndaj organizatave që janë infiltruar në shtet siç është FETO, populli i Ballkanit si komunitet mik i Turqisë duhet të jetë deri në fund në anën e Turqisë dhe ta mbështesë atë deri sa kjo gjendje të dalë në shesh tërësisht.

Duke treguar se institucionet që kanë lidhje me FETO-n janë aktive në Maqedoni, Shehabi tha se “Do të dalin në dritë të vërteta të cilat nuk i kemi paramenduar, sepse fatkeqësisht është e mundur që Ballkani të jetë shfrytëzuar si një seli e tyre.”

Sipas tij, institucionet aktuale në Maqedoni që kanë lidhje me FETO-n zhvillojnë aktivitete në fusha të ndryshme. “Edhe inspektorët e Ministrisë së Ekonomisë dhe Ministrisë së Arsimit të Maqedonisë duhet në mënyrë të shpejtë t’i kryejnë detyrat që u takojnë”, u shpreh Shehabi. Në lidhje me mendimin e qeverisë maqedonase për FETO-n, ai vlerësoi se “Ne e themi këtë haptazi: Strukturat paralele të infiltruara brenda strukturave shtetërore, nuk janë të rrezikshme vetëm për Turqinë, por për të gjitha shtetet e botës. Këto struktura mund të shkaktojnë probleme për të gjitha shtetet në të cilat zhvillojnë aktivitete.”

“Jam dëshmitar se Turqia është një shtet që Maqedonisë ia zgjat dorën e miqësisë pa kushte. Kjo mori një dimension dhe formë tjetër në mënyrë të shpejtë veçanërisht me qeverinë e AK Partisë”, shtoi Shehabi. Duke theksuar se Turqia ka marrëdhënie vëllazërore me të gjithë popujt e Maqedonisë pa marrë parasysh përkatësinë, partinë politike apo botëkuptimet, ai u shpreh se “Maqedonia e ka për borxh lojaliteti që të luftojë kundër FETO-s.”

“Maqedonia absolutisht duhet të qëndrojë kundër atyre që ishin prapa tentativës për grusht shteti në Turqi, kundër atyre që e motivuan atë, si dhe kundër përkrahësve dhe simpatizantëve të saj. Nëse në Maqedoni ende tolerohen këta persona edhe krahas kësaj gjendjeje, atëherë, sipas meje, kjo me të vërtetë është ofendim në emër të njerëzimit”, shtoi Shehabi, duke tërhequr vëmendjen se ky është hap i parë dhe më i rëndësishëm që duhet të hidhet.

Në lidhje me atë nëse ekzistojnë persona, diplomatë apo politikanë në qeverinë e Maqedonisë, partitë politike ose pozita të tjera të shtetit, që kanë lidhje apo janë të afërt me FETO-n, Shehabi theksoi se “Nuk di me emra, por e dime qartë se një grup që ka ardhur nga Turqia me vite të tëra ofrojnë mbështetje financiare dhe shpirtërore për anëtarët e FETO-s.” Ndërkaq, duke theksuar se pas hulumtimeve dhe analizave të nevojshme këto persona patjetër do të zbulohen, Shehabi u shpreh se “Bëhet fjalë bamirësi, mbështetje dhe ndihma pa fatura, ndërsa inspektorët do t’i nxjerrin në shesh këto.”

“Natyrisht, ata janë të pranishëm, nuk mund të themi se nuk janë, mirëpo për momentin nuk kam prova të mjaftueshme për të vlerësuar nëse bëhet fjalë për këtë apo atë. Sigurisht, këto prova do të dalin në shesh pas hetimeve të nevojshme të autoriteteve shtetërore të Maqedonisë”, tha Shehabi, duke vazhduar se qëllimi i infiltrimit të organizatës në mekanizmat shtetërore është të zhvillojnë aktivitete të rehatshme në vendet ku janë të pranishëm.

Po ashtu, Shehabi tha se në Maqedoni ka më pak persona të afërt me FETO-n apo që kanë lidhje me të në krahasim me shtetet e tjera të rajonit. “Arsyeja e kësaj është se mendësia e shoqërisë civile në Maqedoni është shumë e fuqishme. Kjo, nga ana tjetër, ka parandaluar që FETO të infiltrohet shumë në shtet, duke e bërë të pamundur një mjedis të rehatshëm për ta”, konkludoi Shehabi.

18 Gusht 2016

Postime më të reja

Postime më të vjetra