Shekulli Agency

Organizata terroriste separatiste PKK, e cila po përballet me një rrënim të madh në operacionet e forcave turke të sigurisë, ka nisur të përdorë nxënësit si mburojë të gjallë.

Pjesëtarë të PKK-së janë fshehur prapa 170 nxënësve të një shkolle fillore në Sirnak (Şırnak), një provincë ku organizata terroriste ka pësuar humbje të rënda, dhe kanë hapur zjarr kundër ushtarëve turq.

Terroristët hynë brenda shkollës fillore “Bahçelievler” dhe prej këtu filluan të qëllojnë me armë automatike në drejtim të forcave të rendit. Kurse forcat e rendit operacionin kundër terroristëve të strehuar në këtë zonë e filluar vetëm pas shpërnguljes së 170 fëmijëve në një lagje tjetër të qytetit.

Kurse në provincën Hakari terroristët sulmuan me bomba molotof dhe gurë shkollën e mesme “Cumhuriyet”, e cila gjendet në lagjen Kiran të qytetit.

Sulmi i pabesë ndodhi në kohën kur nxënësit ishin në mësim, gjë që shkaktoi një panik të madh.

Terroristët e PKK-së kanë sulmuar edhe shkollën tetëvjeçare “Cumhuriyet” me 24 klasa, ku mësojnë gjithsej 1 mijë e 100 nxënës. Shkolla ndodhet në qytezën Silopi të provincës Sirnak dhe pas sulmit të terroristëve është bërë e papërdorshme.

Dje në orët e mbrëmjes terroristët e PKK-së dogjën edhe Ambulancën dhe Qendrën e Mjekut Familjar që ndodhet në po të njëjtën lagje të qytetit Silopi.

Nga ana tjetër Shkolla e Mesme Profesionale Mjekësore “Rahşa”, që ndodhet në Rrugën Idil të Lagjes Cudi në qytezën Cizre të provincës Sirnak (Şırnak), ku vazhdon të jetë ende në fuqi vendimi i ndalim-qarkullimit, është sulmuar dhe djegur nga një terroristësh.

Një shkollë tjetër që është djegur nga terroristët është edhe shkolla fillore private “Vehbi Koç” në Lagjen Kaynartepe të qytezës Baglar (Bağlar) e varur nga provinca Diyarbakir.

Terroristët hynë në oborrin e shkollës dhe bombat artizanale të dorës që kishin përgatitur i hodhën nëpër klasat e mësimit. Ekipet e shërbimit të zjarrfikëses e shuan zjarrin, por shkolla nuk mund të përdoret më për mësim.

Kohët e fundit organizata ka marrë në shënjestër arsimin dhe në datën 16 dhjetor terroristët kishin hyrë me forcë në klasat e Shkollës së Mesme “Idil” dhe të shkollës fillore “Bener Cordon” në qytezën Idil të Sirnakut dhe me forcën e armëve kishin nxjerrë nga shkolla mbi 20 mësuar bashkë me nxënësit e shkollave. Terroristët kishin qëlluar me gurë edhe shkollën tetëvjeçare “Veysel Karani” që ndodhet në këtë qytezë.

Presidenti turk, Recep Tayyip Erdogan, deklaroi se Turqia është një vend kaq i madh dhe i fuqishëm, saqë nuk mund të disiplinohet përmes terrorit.

Kreu i shtetit turk mbajti një fjalim në pritjen e organizuar në Pallatin Presidencial për nder të anëtarëve të Shoqatës së Miqësisë së Stambollit.

Ai tha se një strukturë ilegale, e cila është rrënjosur brenda shtetit, po bën një propagandë shumë intensive për të shfaqur Turqinë si një vend, që mbështet organizatën terroriste DAESH.

Kombi turk, vijoi Erdogan, nuk mund ta pranojë kurrë tradhtinë dhe thikën pas shpine.

“Do ta sheshojmë kërcënimin, që ky rrjet tradhtar përbën për vendin tonë. A e dini se çfarë më bën të ndihem keq? Mjerisht, kjo strukturë ilegale është kapur dorë për dorë me PKK-në dhe organizata terroriste të ngjashme me të”, shtoi ai.

Erdogan theksoi se pas zgjedhjeve parlamentare të 1 nëntorit vendi ka hyrë në një periudhë, që shënon fillimin e procesit të ndërtimit të Turqisë së re.

“Procesi në vijim do të jetë një periudhë, që do të zhdukë nga faqja e dheut tutelën mbi vullnetin kombëtar dhe do të kurorëzohet me një kushtetutë civile të re”, përfundoi Presidenti Erdogan.

Ne jo vetëm në negociata, por as edhe në ëndrrat tona nuk e harrojmë Gazën, nuk harrojmë Palestinën, as Jerusalemin dhe gjithmonë kemi të gjallë para syve tanë Mesxhid-i Aksanë”.

Kryetari i përgjithshëm i AK Partisë (Partia për Drejtësi dhe Zhvillim) dhe Kryeministri turk, Ahmet Davutoğlu në një fjalim të mbajtur në mbledhjen e grupit të partisë në lidhje me programin e vizitës në Rusi të bashkëkryetarit të partisë Demokratike të Popujve, Selahattin Demirtaş tha se: “Këto e kanë kthyer në moral të bashkëpunojnë me ata që kanë probleme me Turqinë, në vend që të veprojnë bashkë me popullin”.

– “Jemi përballë kujtdo që bombardon popullin e Sirisë”

Duke rikujtuar se Turqia është pjesë e koalicionit ndërkombëtar në luftën kundër DAESH-it, Davutoğlu, u shpreh se: “Kushdo që bombardon popullin e Sirisë ne do të qëndrojmë përballë tyre, përballë tyre do të qëndrojmë qoftë ajo Rusia, apo qoftë ndonjë shtet tjetër tiran”.

– “Edhe në ëndrrat tona nuk e harrojmë Palestinën”-

Davutoğlu, në lidhje me kritikat për negociatat Turqi-Izrael ka theksuar se: “Kush shprehet se ‘Turqia ka harruar popullin e Gazas, po afrohet me Izraelin duke injoruar mbështetjen ndaj Palestinës‘ ka bërë një shpifje të madhe ndaj nesh. Ne jo vetëm në negociata, por as edhe në ëndrrat tona nuk e harrojmë Gazën, nuk harrojmë Palestinën, as Jerusalemin dhe gjithmonë kemi të gjallë para syve tanë Mesxhid-i Aksanë”./AA/

Boshnjakët e Sanxhakut nuk duan që autonominë rajonale ta realizojnë duke rrezikuar Serbinë ose Malin e Zi, thotë myftiu i Sanxhakut Muamer Zukorliq.

Ai ka theksuar se është e domosdoshme që të pranohet fakti se Mali i Zi është i shtet i pavarur, dhe se, parimi i tij për Sanxhakun si rajon dhe tërësi e pandashme nuk e zvogëlon shtetësinë e tij, transmeton Koha.net.

Zukorliq për gazetën e Podgoricës “Pobjeda”, ka thënë se dëshiron që Sanxhakut t’i pranohen atributet që i përkasin nga historia, kultura, gjeografia dhe ekonomia.

“Sanxhaku është rajon gjeografik me veçanti shumë të theksuara dhe si i tillë ia ka dalë, megjithatë, të mbijetojë të gjitha sfidat edhe pse gjatë disa decenieve të fundit ka qenë i fshirë nga hartat gjeografike e gjeopolitike. Por, marrë parasysh ambiciet e integrimeve europiane të Malit të Zi dhe të Serbisë, perspektivat zhvillimore të Sanxhakut janë të pakontestueshme dhe krejtësisht të sigurta”, ka thënë Zukorliq.

Duke u përgjigjur në pyetjen se ku është me “konceptin e Sanxhakut” të tij Mali i Zi si shtet, ripërtëritjen e pavarësisë së të cilit e kishte kundërshtuar publikisht, ai është përgjigjur se parimisht nuk ka mundur dhe nuk mund të përkrahë cilindo projekt politik që copëton vendin në të cilin jeton populli i tij.

“Parim tjetër është që statusi i Sanxhakut të zgjidhet përmes dialogut që do të sjellë te marrëveshja, pa akte të njëanshme, ose mos o Zot, të tjera, mënyrave radikale të imponimit të zgjidhjeve të njëanshme. Parimi i tretë është se autonominë rajonale nuk dëshirojmë ta realizojmë me cenimin e sovranitetit dhe integritetit territorial as të Serbisë dhe as të Malit të Zi. Marrë parasysh qëndrimet mediale dhe përgjithësisht shoqërore që po formohen ndaj meje duke më paraqitur të rrezikshëm për shtetin janë të pa baza dhe përpjekje për frikësim qytetarëve të Malit të Zi”, ka thënë Zukorliq.