Drejtori i Komunikimeve i Presidencës së Türkiyes, Fahrettin Altun, përkujtoi viktimat e Gjenocidit të Srebrenicës me rastin e 28-vjetorit të kësaj ngjarjeje, transmeton Anadolu.
“Dënoj gjenocidin e turpshëm që ndodhi para syve të gjithë botës dhe në të cilin u vranë 8.372 njerëz të pafajshëm. Si Türkiye, ne vazhdojmë të qëndrojmë pranë popullit të Bosnjës dhe të bëjmë çdo hap për paqen dhe sigurinë e rajonit të Ballkanit. U prehshin në paqe shpirtrat e dëshmorëve tanë të Srebrenicës”, shkroi Altun në median sociale.
