Krimi me motiv politik në Gjermani ka arritur një nivel të ri rekord vitin e kaluar.
Sipas raporteve në media, autoritetet regjistruan gjithsej 85.837 vepra penale me motiv politik në vitin 2025, një rritje prej 2 për qind krahasuar me vitin 2024, duke shënuar shifrën më të lartë që nga fillimi i sondazhit të përbashkët federal-shtetëror në vitin 2001.
Që nga viti 2015, sipas gazetës “Suddeutsche Zeitung” e cila citoi dokumente nga Zyra Federale e Policisë Kriminale (BKA), numri i veprave të regjistruara është më shumë se i dyfishuar.
Sipas të dhënave, krimet e kryera nga e djathta ekstreme përbëjnë pjesën më të madhe të problemit në Gjermani, me 42.544 vepra në vitin 2025. Numri i dytë më i lartë i rasteve, me 13.490 vepra, është regjistruar në kampin e së majtës ekstreme.
Hetuesit ia atribuuan numrit të lartë të krimeve me motiv politik, ndër të tjera, zgjedhjeve të parakohshme federale në shkurt të vitit 2025 dhe veprave të shumta kundër kundërshtarëve politikë.
Megjithatë, ata theksuan se krizat ndërkombëtare, si konflikti në Lindjen e Mesme, kanë pasur gjithashtu ndikim në Gjermani.
Në rreth 6.886 raste, policia ka supozuar një motiv ideologjik të huaj, ndërsa në 1.983 raste një motiv fetar.
Megjithatë, në rreth 20.934 raste nuk është arritur të përcaktohet qartë motivi specifik i veprës.