Gormez: “Vetëm me zeqatin e naftës do ta largonim urinë në Afrikë”

Kryetari i Dijanetit të Turqisë Dr. Mehmet Gormez ka deklaruar se “nëse muslimanët do të jepnin vetëm zeqatin e parave të fituara nga nafta dhe prodhimet e saja, në vend që t’i tubonin në bankat evropiane, do të zgjidhnim problemin e urisë në Afrikë.

Këto fjalë ai i tha gjatë takimit me kryetarin e Këshillit të lartë për çështje fetare në Etiopi, Ahmed Hijar në Ankara.

Gormez shtoi se injoranca, varfëria dhe përçarja janë problemi më i madh i muslimanëve në Afrikë, ndërsa mos arsimimi i miliona fëmijëve është problem i të gjithë neve.