Në kuadër të hetimeve rreth organizatës terroriste FETO në kryeqytetin e Turqisë, Ankara, autoritetet turke kanë lëshuar urdhërarresti për 40 të dyshuar, të gjithë ish-punonjës apo punonjës aktual në Ministrinë e Brendshme, raporton (AA).
Burime nga Kryeprokuroria Publike e Ankarasë theksojnë se 40 të dyshuarit për të cilët është lëshuar urdhërarresti kanë përdorur aplikacionin e komunikimit ByLock, që përdoret nga pjesëtarët e FETO-s për të komunikuar mes tyre.
Siç thuhet, njëri nga 40 të dyshuarit ende punon në ministri, kurse të tjerët janë pezulluar apo përjashtuar nga puna.
Zyrtarët njoftuan se procedura e arrestimeve tanimë ka filluar.
FETO dhe udhëheqësi i saj në Shtetet e Bashkuara të Amerikës (SHBA), Fetullah Gylen orkestruan tentativën për grusht shteti më 15 korrik 2016, i cili la 250 dëshmorë dhe rreth 2.200 të plagosur.