Rusia largohet nga Gjykata Penale Ndërkombëtare

Zëdhënësi i Kremlinit, Dmitriy Peskov, tha se largimi i Rusisë nga Statuti i Romës është në përputhje me interesat kombëtare të Rusisë

Presidenti i Rusisë, Vladimir Putin, nënshkroi dekretin që vendi i tij mos të jetë palë në Statutin e Romës, i cili është dokumenti themelues i Gjykatës Ndërkombëtare Penale.

Sipas informacioneve të Kremlinit, Putin dekretin që parashikon tërheqjen e Rusisë nga kjo gjykatë e ka nënshkruar me rekomandimin e Ministrisë së Drejtësisë dhe me aprovimin e Ministrisë së Jashtme. Putin me dekretin në fjalë gjithashtu dha udhëzimin që të informohet Sekretari i Përgjithshëm i Organizatës së Kombeve të Bashkuara në lidhje me çështjen.