249
Deputeti i Partisë Socialiste, Eduart Ndocaj ka mbetur prej ditës së hënë pa drita në shtëpinë e tij në Lezhë. Kjo pasi deputeti “kaubojs” nuk e ka paguar energjinë elektrike prej 3 vjetësh dhe për këtë arsye (OSHEE) ja ka prerë.
Sipas informacioeneve, Ndocaj ka akumuluar një borxh prej 19 milionë lekë të vjetra për 14 objektet në emrin e tij. Kjo i ka kushtuar atij ndërprerjen e energjisë.
Eduart Ndocaj njihet edhe si rivali i Edi Ramës në garën për kreun e Partisë Socialiste. Ndocaj kërkon të marrë drejtimin e Partisë dhe prej kohësh ka nisur fushatën në veri të vendit për të tërhequr elektoratin e tij.