Në një njoftim të TIKA-s bëhet e ditur se me një organizim ceremonial, kjo agjenci ka dhuruar pajisje dhe furnizime mjekësore për QKMF-në
Agjencia Turke për Zhvillim dhe Koordinim (TIKA) ka dhuruar një donacion të pajisjeve mjekësore për Qendrën Kryesore të Mjekësisë Familjare (QKMF) në Komunën e Shtimes, e cila ndodhet afër Prishtinës.
Në një njoftim nga TIKA bëhet e ditur se me një organizim ceremonial, kjo agjenci ka dhuruar pajisje dhe furnizime mjekësore për QKMF-në, Dr. Vezir Bajrami, e cila është në shërbim të qytetarëve me qendrën e mjekësisë familjare, me shërbime stomatologjike dhe ato të urgjencës.
Në këtë ceremoni të pranishëm ishin kryetari i Komunës së Shtimes dhe të Asociacionit të Komunave të Kosovës, Naim Ismajli, Ambasadorja e Turqisë në Prishtinë, Kıvılcım Kılıç, Koordinatori i TIKA-s në Prishtinë, Necip Özay Özütok, si dhe zyrtarët dhe stafi i QKMF-së së Shtimes.
Naim Ismajli, i cili foli gjatë kësaj ceremonie tha se ky është projekti i parë i zhvilluar nga TIKA në Komunën e Shtimes dhe se nëpërmjet këtij projekti është mundësuar plotësimi i një mungese të madhe të kësaj komune, duke mundësuar kështu të krijojnë shërbime shëndetësöre në kushte të volitshme për rreth 30 mijë qytetarë të kësaj komune.
Ai gjithashtu shprehu dëshirën e vazhdimit të bashkëpunimit me TIKA-n, jo vetëm në fushën e shëndetësisë por edhe në fushat tjera me rëndësi jetësore.
Ndërkaq, Ambasadorja e Turqisë në Prishtinë, Kıvılcım Kılıç, gjatë fjalimit të saj tha se Turqia do të vazhdojë t’i mbështesë institucionet e Kosovës, nëpërmjet TIKA-s dhe KFOR-it Turk në Kosovë, në fushat të ndryshme, sidomos në atë të shëndetësisë dhe në atë të edukimit.
Duke folur për kontributin e TIKA-s për QKMF-në në Shtime, Kılıç theksoi se kjo mbështetje do të mundësojë rritjen e kualitetit të shërbimeve për t’iu përgjigjur kërkesave të qytetarëve si dhe për ruajtjen e shëndetësisë së tyre.
Projektit i Agjencisë Turke për Bashkëpunim dhe Koordinim-TIKA, në QKMF në Shtime është në vlerë prej 30 mijë eurosh, ku pajisjet themelore do të përdoren nga emergjenca, stomatologjia, laboratori, qendra diagnostike dhe nga mjekët familjarë të këtij institucioni.