Rama në takimin me Kerry: Reforma në Drejtësi votohet në mars

Kryeministri Edi Rama ka deklaruar se Reforma në Drejtësi do të votohet në muajin mars nga parlamenti shqiptar. Në deklaratën e përbashkët për shtyp me Sekretarin Amerikan të Shtetit, John Kerry,

Rama u shpreh se reforma në drejtësi është një  reformë kyçe për qëndrueshmërinë dhe rezultatet e çdo reforme tjetër në Shqipëri. Kryeministri Rama vlerësoi ndihmën e SHBA-së për kryerjen e kësaj reforme, si dhe garantoi se  marsi do të jetë muaji që do të votohet në Kuvend paketa e ndryshimeve Kushtetuese. Kryeministri falenderoi ndihmën e ekspertëve amerikanë për punën e palodhur në asistimin për Reformën në Drejtësi.