Presidenti i SHBA-ve, Donald trump ka deklaruar se me presidentin e Turqisë, Recep Tayyip Erdogan ka marrëdhënie shumë të mira.
Lidhur me atë nëse do të realizohet apo jo vizita e planifikuar më 13 nëntor e presidentit Erdogan në Shtëpinë e Bardhë, Trump tha: “Me presidentin Recep Tayyip Erdogan kemi marrëdhënie shumë të mira. (Marrëveshja e arritur mes SHBA-së dhe Turqisë në verilindje të Sirisë). Armëpushimi u zbatua shumë mirë”.
Trump tha se ushtarët amerikanë në Siri dëshirojnë të kthehen në shtëpitë e tyre. “(Kufiri Turqi-Siri) Kufirin ta kontrollojnë të tjerët. Ne kemi vendosur nën siguri naftën. E dua naftën. Po punojmë me kurdët (YPG/PKK). Po punojmë me Turqinë. Punojmë me shumë vende”, tha ai.
Ndërkohë duke e cilësuar si një “trillim” hetimin e nisur për shkarkimin e tij, Trump u shpreh: “Nuk mund të shkarkoni një president që nuk ka bërë asgjë të gabuar”.