Presidenti i SHBA-ve, Donald Trump, ka njoftuar se kongresisti John Ratcliffe i Teksasit do të emërohet si drejtor i ri i inteligjencës kombëtare.
Dan Coats, drejtori aktual, do të largohet nga posti më 15 gusht.
“Jam i kënaqur t’iu njoftoj se kongresisti i respektuar John Ratcliffe i Teksasit do të emërohet nga unë për drejtor të inteligjencës kombëtare. Një ish-prokuror i SHBA-ve, John do të udhëheqë dhe frymëzojë madhështinë për vendin që ai e do”, tha Trump në llogarinë e tij në Twitter.
Coats në krye të inteligjencës kombëtare u emërua në muajin mars. Ai është një republikan që shërbeu në Senat në vitet e 90-ta dhe u zgjodh përsëri në vitin 2010.
“Dua të falenderoj Dan-in për shërbimin e tij të shkëlqyer për vendin tonë. Drejtori në detyrë do të emërohet së shpejti”, shtoi Trump.
Tani Senati duhet të konfirmojë Ratcliffe-n si zyrtar të lartë të shërbimit sekret.
Njoftimi erdhi mbrëmë, disa orë pasi filluan të qarkullojnë raportet se “Largimi i Coats-it është afër”.