Kreu i Partisë së Lëvizjes Nacionaliste (MHP), Devlet Bahçeli, kritikoi sot një kamp trajnimi mjekësor të organizuar nga forcat e SHBA-së për terroristët e YPG/PKK-së në Siri.
“Deklarata e Komandës Qendrore Amerikane (CENTCOM) se terroristëve të YPG/PKK-së që mbrojnë objektet e naftës të okupuara të Sirisë u është dhënë ndihmë mjekësore në maj është shtrembërim i tmerrshëm”, i tha Bahçeli grupit parlamentar të partisë së tij.
Bahçeli theksoi se ushtarët e SHBA-së u treguan terroristëve YPG/PKK-së, të maskuar si operativë të SDF-së, si të merren me të plagosurit rëndë.
“Ata u mësuan mbylljen e plagëve, veshjen, fashën nën presion dhe aplikimi i turiketit. Me fjalë të tjera, ushtarët amerikanë trajnuan terroristët për ndihmën e parë. Ky është një turp i plotë”, tha ai.
Sigurimi i trajnimit për YPG/PKK-në dhe ndihma e tyre me armë, është një mënyrë tjetër për të dëmtuar Turqinë, tha Bahçeli.
SDF e mbështetur nga SHBA-ja drejtohet nga YPG, dega siriane e PKK-së. PKK është një organizatë e caktuar terroriste në SHBA, Turqi dhe BE, ndërsa mbështetja e Washington-it për degën e saj siriane ka qenë një tendosje e madhe në marrëdhëniet me Ankaranë.
Bahçeli përsëriti se takimi midis presidentit Recep Tayyip Erdoğan dhe presidentit të SHBA-së Joe Biden do të zhvillohet në vigjilje të samitit të udhëheqësve të NATO-s më 14 qershor në Bruksel, Belgjikë.
“Besoj se presidenti ynë i nderuar do t’i tregojë presidentit të SHBA-së Biden rreth zhvillimeve skandaloze që janë të papajtueshme me aleancën, afërsinë e vendosur me organizatën terroriste”, tha ai.