Në një konferencë të përbashkët për media në Ankara me homologun e tij serb, Aleksandar Vuçiç, presidenti turk, Recep Tayyip Erdoğan, ka deklaruar se “komuniteti ndërkombëtar duhet të veprojë së bashku për të tejkaluar krizën në Bosnjë e Hercegovinë”.
Duke iu referuar fushës ekonomike midis Turqisë dhe Serbisë, derisa Turqia dhe Serbia së fundmi rritën vëllimin e tregtisë në 2 miliardë dollarë, presidenti turk theksoi se “synimi i ri është arritja në 5 miliardë dollarë”.
Nga ana tjetër, presidentit Vuçiç tha se Serbia “respekton shumë integritetin territorial të Bosnjë e Hercegovinës fqinje”.
Presidenti serb tha se vëllimi tregtar i Serbisë me Turqinë ka arritur “momentin më të mirë në histori”.
