Anëtari i Këshillit Koordinues të Lëvizjes BESA, Emad Mehmeti, ka komentuar fyerjet që i ka bërë ndaj profetit Muhamed, këshilltari i Ali Ahmetit, Ibrahim Kelmendi. Sipas tij, “e gjithë veprimtaria dhe fytyra e vërtetë e BDI-së është si Ibrahim Kelmendi”.
Ja dhe komenti i tij i plotë:
Fytyra e vërtetë dhe veprimtaria e BDI-së është si Ibrahim Kelmendi. Fytyra e vërtetë e BDI-së “pa doreza” është ajo që shfaqet përmes Ibrahim Kelmendit, ideologut dhe frymëzuesit të krerëve të BDI. Këta që heshtin e hiqen “si të mirë” sikurse Ali Ahmeti e Musa Xhaferi e ca të tjerë janë tërësisht “ibrahima” ka të gjitha anët, vetëm se nuk flasin publikisht, por në veprimtari janë edhe më të zi! Të paktën prej Ibrahimit e di si është se flet publikisht dhe ke se si të kujdesesh, kurse prej këtyre “ibrahimave” që shtiren si të mirë nuk e di se çfarë mund të të gjejë!