Sot në Istanbul u shfaq para audiencës episodi i parë i dokumentarit “Synimi: Kızılelma” (Hedef: Kızılelma), raporton Anadolu.
Në dokumentar rrëfehen fazat e zhvillimit të avionit të parë luftarak vendas pa ekuipazh “Kızılelma” dhe udhëtimi i zhvillimit të mjeteve ajrore pa pilot të firmës turke të aviacionit Baykar.
“Dokumentari tregon për vuajtjet dhe përpjekjet që Türkiye të jetë e lirë dhe e pavarur në qiej”, u tha gazetarëve Selcuk Bayraktar, kreu i Baykarit, përpara natës gala, ku filmi u shfaq para një audience të madhe.
“Ai tregon jo vetëm historinë e Kızılelmas, por edhe historinë e gjithë kësaj aventure. Më shumë se teknika, ai tregon pse e krijuam avionin luftarak dhe si e bëjmë atë”, tha Bayraktar.
Ai i bëri thirrje popullit turk dhe të gjitha vendeve vëllazërore që të shikojnë dokumentarin e transmetuar në kanalin YouTube të kompanisë Baykar.