36
Presidenti i Kosovës, Hashim Thaçi, ka pranuar letrat kredenciale nga ambasadori i ri i Turqisë në Kosovë, Çağrı Sakar.
Nga Presidenca e Kosovës njoftojnë se presidenti Thaçi i ka uruar mirëseardhje ambasadorit Sakar dhe i ka ofruar mbështetje të plotë në punën e tij për vazhdimin e thellimit të bashkëpunimit ndërmjet dy vendeve.
“Do të vazhdojmë të kultivojmë marrëdhënie strategjike me Turqinë. Ju falënderoj për mbështetjen që i keni dhënë Kosovës në tri dekadat e fundit”, ka thënë presidenti Thaçi.
Nga ana tjetër, ambasadori Sakar e ka falënderuar presidentin Thaçi dhe ka theksuar se Turqia edhe më tej do të mbështesë Kosovën në të gjitha fushat.
Presidenti Thaçi ka theksuar se Turqia është një aleat i fuqishëm i Kosovës.