Ministri i Mbrojtjes i Polonisë, Mariusz Blaszczak, njoftoi se vendi i tij do të blejë dronë nga Turqia.
Ministri Blaszczak tha se vendi i tij do të blejë 24 mjete ajrore të armatosura pa pilot të tipit Bayraktar (TB2) nga Turqia, njoftoi agjencia zyrtare polake e lajmeve (PAP).
“Kjo është një armë e vërtetë. Ajo e dëshmoi veten në luftëra, në lindje të Evropës. Ajo u përdor gjithashtu në Lindjen e Mesme”, tha Blaszczak.
Marrëveshja mbi shitjen e dronëve pritet të nënshkruhet javën e ardhshme gjatë vizitës së presidentit polak Andrzej Duda në Turqi.
Polonia, anëtare e Bashkimit Evropian (BE) dhe NATO-s, do blejë dronë nga Turqia për herë të parë.
