Lideri i Koresë së Veriut, Kim Jong-un tha se do të forcojnë edhe më shumë kapacitetin ushtarak të vendit.
Sipas Agjencisë Qendrore të Lajmeve (KCNA) të Koresë së Veriut thuhet se Kim ka folur në mbledhjen e përgjithshme të Partisë së Punës në pushtet, ku ai ka theksuar se politika ndërkombëtare dhe mjedisi ushtarak që sa vjen e “destabilizohet” në Gadishullin Korean i drejton ata që të forcojnë mbrojtjen kombëtare.
Kim premtoi rritjen e kapacitetit ushtarak dhe kërkoi që të vazhdohet në mënyrë të fuqishme lufta kundër COVID-19.
Po ashtu Kim vuri theksin se autoritetet duhet t’i japin përparësi çështjes për të mposhtur virusin.
Koreja e Veriut vazhdon të mbajë të mbyllur kufijtë e saj në kuadër të masave kundër COVID-19.
Pretendohet se Koreja e Veriut që ka mbyllur kufijtë e saj mbijeton me ndihmat e ardhura nga Kina.