Gjykata Supreme cakton seancë të re për rastin “Monstra”

Gjykata Supreme për të enjten e ardhshme, 29 qershor, ka caktuar seancën e hapur në të cilën do të shqyrtohen dhe të vendoset në bazë të ankesave të gjashtë të akuzuarit në rastin “Monstra”.

Seanca, siç ka bërë të ditur gjykata, do të jetë e hapur ndërsa do të mbahet në sallën e madhe të Gjykatës Supreme.

Gjykata më parë dy herë ka anuluar këtë seancë, e cila fillimisht duhej të mbahej më 30 maj, ndërsa më pas u caktua për më 9 qershor, sepse një pjesë e avokatëve të të akuzuarve ishin në mjekim.