26
Ministri i Punëve të Jashtme, Behgjet Pacolli ka thënë se Policia e Kosovës ka vepruar sipas ligjit, me arrestimin e drejtorit e të ashtuquajturës Zyrës për Kosovë, Marko Gjuriq, pasi ky hyri ilegalisht në Veri.
Sipas Pacollit, Gjuriq aktualisht është duke u dëbuar nga Republika e Kosovës.
“Sot Policia e Kosovës ka vepruar sipas ligjit të vendit tonë. Në Veri të Mitrovicës ka arrestuar Z. Gjuriq. Tani mbas kalimit të të gjitha procedurave, është duke u bërë e mundur deportimi i tij jashtë Republikës së Kosovës”, tha ai.
Ai më tej, ka shtuar se Gjuriqit i është tërhequr vërejtja disa herë që t’i respekton ligjët e Kosovës, siç duhet respektuar ligjet e nikoqirit, çdo qytetar, kudo që shkon.