Autoritetet e Libanit kanë ndaluar shfaqjen e filmit “Wonder Woman” për shkak të pjesëmarrjes së aktores izraelite Gal Gadot në rolin kryesor.
Nga Ministria e Brendshme e Libanit, për AA thonë se ministri i Brendshëm Nihad Meshnuk ka nënshkruar vendimin për ndalimin e filmit Wonder Woman, në të cilin rolin kryesor e ka aktorja dhe ish-ushtarja izraelite Gal Gadot, në të gjitha kinematë e Libanit pas rekomandimit nga Ministria e Ekonomisë dhe Tregtisë.
Premiera e filmit në Liban do të shfaqej sot, ndërsa si arsye e ndalimit të tij është theksuar fakti që ajo është shtetase dhe ish-ushtare e Izraelit.
Ministria e Ekonomisë dhe Tregtisë dje kishte bërë të ditur se do të merren të gjitha masat për ndalimin e shfaqjes së filmit.
Edhe përkundër vendimit të marrë, në disa kinema të Bejrutit vazhdojnë të qëndrojnë afishet reklamuese të filmit.