Ministri Bozdag më 8 maj ditën e hënë do të zhvilloj një takim me Sekretarin amerikan të Drejtësisë, Jeff Sessions në Uashington me të cilin do të bisedoj në lidhje me ekstradimin e Gulenit.
Ministri i Drejtësisë, Bekir Bozdag nesër udhëton për në Shtetet e Bashkuara të Amerikës, ku para vizitës së Presidentit Recep Tayyip Erdogan, do të bisedojë në lidhe me ekstradimin e liderit të organizatës terroriste gyleniste FETO, Fetullah Gulen.
Ministri Bozdag më 8 maj ditën e hënë do të zhvilloj një takim me Sekretarin amerikan të Drejtësisë, Jeff Sessions në Uashington me të cilin do të bisedoj në lidhje me ekstradimin e Gulenit.
Ministri turk i Drejtësisë do të ndajë me homologun e tij amerikan informatat dhe dokumentet se tentativa e grusht shtetit më 15 korrik është kryer me urdhrin e kryeterroristit Gulen, ndërsa në rend të ditës sërish do të sjell ndalimin e përkohshëm të Gulenit, kërkesë kjo që është bërë më 10 shtator 2016.
Gjatë takimit Bozdag do të rikujtoj edhe marrëveshjen mes Turqisë dhe ShBA-së për ekstradimin e kriminelëve ku do të vë theksin në detyrimin sipas kësaj marrëveshjeje për ndalimin e përkohshëm të Gulenit, ndërsa do të kërkoj edhe përcjelljen e dosjeve të dërguara nga Turqia në gjykatë për të bërë atë që është e nevojshme për ndalimin e përkohshme dhe për ekstradimin e tij.
Pas takimit Bozdag do të kthehet në Turqi të martën më 9 maj, ndërsa para vizitës së Presidentit Erdogan në ShBA udhëtuan edhe shefi i Shtatmadhorisë Turke, gjeneralarmate Hulusi Akar, Zëvendëssekretari i Presidencës dhe zëdhënësi Ibrahim Kalin dhe Sekretari i Përgjithshëm i Shërbimit Informativ Kombëtar, Hakan Fidan.